LUKA 8:2 - Biblia Ilagho Jiboie Kwa Wandu Wose

² Wokoni waka wamu weremnughieghe, awa wereboisiroghe na kuwingwa pepo rizamie na makongo mazima, nawo ni Maria uwangwagha Magdaleni uhu orewingiloghe pepo mfungade,

LUKA 8:2 Referans Kwoze

MARKO 16:9

Jesu umeria kuruka kokio Ituku ja Njumwa, oremfutukieghe imbiri Maria Magdaleni, uo oremmbingieghe pepo mfungade.

JOHANE 19:25

Kaavui na msalaba ghwa Jesu werekaieghe kimusi mae, mruna mae, Maria mkake Kleopa, na Maria Magdaleni.

MABONYO GHA WADUMI 1:14

Awa wose, andwamweri na waka, na Maria mae Jesu, na waruna, werekoghe wikilomba tulituli kwa ngolo imweri.

LUKA 23:55

Awa waka weremnughieghe Jesu kufuma Galilaya, werenughaneghe na Josefu, wikaiwona kaburi na seji mumbi ghwa Jesu ghorewikiloghe.

LUKA 23:49

Na wandu wose weremmanyireghe Jesu andwamweri na waja waka weremnughieghe kufuma Galilaya, werekaieghe kimusi kula koni wikizighanira.

LUKA 23:27

Na izungu ibaa ja wandu jikamnugha andwamweri na waka wamu werekoghe wikikema mchungu na kumlilia.

LUKA 8:30

Nao Jesu ukamkotia, “Irina jako nani?” Ukatumbulia, “Irina japo ni ‘Ijeshi’” angu orengiriloghe ni pepo nyingi.

MARKO 16:1

Nao iji Sabato yameria kusia, Maria Magdaleni, Maria mae Jakobo, na Salome, wikaghua marumba wighende kumshinga.

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.