LUKA 7:47 - Biblia Ilagho Jiboie Kwa Wandu Wose

⁴⁷ Kwa huwu nakuzera, walekwa kaung'a rake nyingi, angu wawonyera lukundo lubaa; ela uhu ulekelwagha katini, wadakunda katini wokoni.”

LUKA 7:47 Referans Kwoze

1 JOHANE 4:19

Deko na lukundo, angu Mlungu orezoeghe ukadikunda.

1 JOHANE 3:18

Wanake watini, disakekaia na lukundo lwa madedo maduu, ela lwa mabonyo na loli.

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAROMA 5:20

Sharia erechieghe kuchuria makosa, ela andu kaung'a ichurikie, mvono nagho ghorechurikieghe kuchumba;

WAEFESO 6:24

Mvono ndeghukaie andwamweri na awo wose wimkundagha Bwana odu Jesu Kristo kwa lukundo lusewadie kutua.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

1 JOHANE 5:3

Angu ulu nilo lukundo lwa Mlungu, kukaia diiwadie memu yake. Na memu yake ndeikurie anduangi.

1 TIMOTHEO 1:14

na Bwana oredirieghe mvono ghwake aighu yapo kwa wungi, chiaimweri na irumirio, na lukundo luko andenyi ya Kristo Jesu.

WAFILIPI 1:9

Ilombi japo ni angu lukundo lonyu luchurikie nandighi kuchumba, chiaimweri na kumanya na kutambukilwa kose;

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

LUKA 7:39

Uja Mfarisayo oremkaribishireghe uendawona huwo, ukaghamba ngolonyi kwake, “Ngera loli mundu uhu odeeka mlodi, kumangu wamanya uhu nani, na ni muka ufwane wada uhu ummbwadagha angu uo ni mkaung'a.”

MATHAYO 10:37

“Uo umkundagha ndee angu mae kuchumba ini, ndenifwanaghaanduangi; na uo umkundagha mwana wa womi angu wa waka kuchumba ini, ndenifwanagha anduangi.

2 WAKORINTHO 5:14

Angu lukundo lwa Kristo lwadibonyera nguma, kwa kukaia damerie kuwona huwu, ikakaia mundu umweri orefueghe kwa wundu ghwa wose, huwo wose wedeefwa.

MIKA 7:19

Kuchadiwonia wughoma sena. Kucharifasha-fasha kaung'a redu aisi ya maghu, na kurikumba baharinyi imilie.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

LUKA 7:46

Ndekunishingie chongo chapo mavuda, ela uo ndesighie kughishinga maghu ghapo mavuda anduangi.

LUKA 7:48

Nao ukamzera muka, “Kaung'a rako ralekwa.”