LUKA 7:44 - Biblia Ilagho Jiboie Kwa Wandu Wose

⁴⁴ Nao ukimghalukia muka ukamzera Simoni, “Kwammbona muka uhu? Kufuma nangia nyumbenyi kwako ndekuninekie machi gheoghosha maghu ghapo, ela uo wanioghosha maghu ghapo kwa mbori rake, na kughiaghia kwa iridia jake.

LUKA 7:44 Referans Kwoze

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

WATANYI 19:21

Ukamdwa cha nyumbenyi kwake, ukawineka weke punda vindo, wikaoghosha maghu ghawo, wikaja na kunywa.

KUZOYA 43:24

Nao iji uja mundu wameria kuwireda nyumbenyi kwa Josefu, na kuwineka machi gheoghosha maghu ghawo, na vindo kwa wundu ghwa weke punda wawo,

KUZOYA 19:2

“Weke bwana wapo, ghalukenyi namvoya mungie nyumbenyi kwapo ini mdumiki onyu, mlale aho, muoghoshe maghu ghenyu, nao mmbuke nakesho mghende chia yenyu.” Wikaghamba, “Hata, isi dichalala ahaeni chienyi.”

KUZOYA 18:4

Kadunyi mredelo machi mwoghoshe maghu ghenyu, mhore katini aisi ya mudi,

1 SAMUELI 25:41

Nao Abigaili ukawuka, ukaghoghoma hata ukadunga wushu ghwake andonyi na kughamba, “Ola mdumiki wako oko aha kuoghosha maghu gha wadumiki wake bwana wapo.”

JAKOBO 2:6

Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

2 SAMUELI 11:8

Daudi ukamzera Uria, “Ghenda nyumbenyi kwako kuhore.” Uria ukafuma ngomenyi kwa mzuri; ukadumilwa inosi ni mzuri.

LUKA 7:38

ukakaia kimusi na nyuma kaavui na maghu gha Jesu ukilila, na mbori rake rikamtonyera maghunyi, nao ukaghiaghia kwa iridia jake; ukasusugha maghu ghake na kughishinga agho marumba.

LUKA 7:43

Nao ukatumbulia, “Naghesha ngera ni uja oremlekieghe nyingi.” Nao ukamzera, “Kwatanya hachi.”

JOHANE 13:5

Nao ukadungiria machi beseninyi, ukazoya kuwioghosha wanughi wake maghu, na kuwiaghia kwa ija taulu orekufungieghe nayo.