LUKA 7:22 - Biblia Ilagho Jiboie Kwa Wandu Wose

²² Jesu ukawitumbulia, “Ghendenyi mumghorie Johane malagho agho mwaghiwona na kughisikira; vitungure wapata kuwona kwawo, watighini waghenda, wandu wiko na sima waeleshwa, na awa wifue madu wasikira, na awo wifue warukishwa, na wakiwa wachililwa Ilagho Jiboie.

LUKA 7:22 Referans Kwoze

LUKA 4:18

“Roho wa Bwana oko aighu kwapo, angu orenishingieghe mavuda niwichilie wakiwa Ilagho Jiboie. Wanidumie niwighorie wafungwa malagho gha kufungulwa kwawo, na vitungure kupata kuwona kwawo, kuwifungua awa wikorongwagha;

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

MATHAYO 21:14

Niko vitungure na wakelemeri wikamchea Hekalunyi, nao ukawiboisa.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

LUKA 7:21

Nao saa ija eni Jesu ukaboisa wandu wengi werekoghe na makongo na saka, ukawinga pepo nyingi rizamie, na wengi werekoghe vitungure ukawidimisha kuwona.

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

ISAYA 43:8

Mlungu waghamba, “Wiredenyi wandu wapo wiko na meso ela ndewiwonagha, awo wiko na madu ela ndewisikiragha.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ZABURI 146:8

na kuwitambua vitungure meso. BWANA wadawiwusira awo wighwaghwa; na kuwikunda wahachi.

AYUBU 29:15

Nerekoghe meso kwa vitungure, na maghu kwa wakelemeri.

MABONYO GHA WADUMI 8:7

Angu wandu wengi werefumiloghe ni pepo ra makakala rikikema na lwaka lubaa; na awo werekoghe na wukongo ghwa kupooza na wakelemeri wikaboiswa.

JOHANE 1:46

Nathanaeli ukamzera, “Idimika kilambo chingi chiboie chifume Nazareti?” Filipo ukamzera, “Choo kuwone.”

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

LUKA 7:23

Warasimilwa uo mundu usekuwagha kwapo.”