LUKA 7:17 - Biblia Ilagho Jiboie Kwa Wandu Wose

¹⁷ Nao sare yake ikaera isanga jose ja Judea na mbai-mbai yaro.

LUKA 7:17 Referans Kwoze

LUKA 7:14

Ukacha ukaiwada jeneza, na awo wandu wereidukieghe wikadunga maghu. Jesu ukaghamba, “Mdawana, nakuzera wuka!”

MARKO 6:14

Nao mzuri Herode ukasikira iro maza, angu irina ja Jesu jeremanyikieghe andu kose. Wandu wamu werekoghe wikighamba, “Johane M'baputizi waruka kufuma kwa wafu, na kwa wundu ughu, niko ndighi iri rawuyabonya kazi andenyi kwake.”

MARKO 1:28

Nao ahoeni sare yake ikaera isangenyi kose Galilaya, na mbai-mbai yaro.

MATHAYO 9:31

Ela awo wikafuma na kughieresha malagho ghaja isangenyi kose.

MATHAYO 9:26

Malagho agho ghikaereshwa isangenyi kose.

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

MATHAYO 2:1

Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki;

LUKA 4:14

Nao Jesu ukawuya Galilaya uko nandighi ra Roho Mweli, na sare yake ikaera mbai-mbai kose isangenyi.