LUKA 7:12 - Biblia Ilagho Jiboie Kwa Wandu Wose

¹² Nao iji orevikieghe kaavui na mbenge ya muzi, wikakwana na izungu ibaa ja wandu wamduka mundu ufue, nao ni mwana wa ititi wa muka ufulo ni mumi wake.

LUKA 7:12 Referans Kwoze

LUKA 8:42

angu orekoghe na mwai wake umweri wa miaka ikumi na iwi wakaia mkongo kaavui na kufwa. Nao iji Jesu orekoghe ukighenda wandu wikachuria kumtindiria.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

MABONYO GHA WADUMI 9:41

Petro ukammbwada mkonu ukammbusira. Niko ukawiwanga waeli andwamweri na waka wifulo ni womi, ukamreda kwawo uko moyo.

MABONYO GHA WADUMI 9:39

Petro ukawuka na kughendanya nawo. Nao iji wavika, wikamghenja gorofenyi. Waka wose wifulo ni womi, wikakaia kimusi kaavui nao wikilila, na kummbonyera Petro makoti na nguwo rose Dorkasi oreribonyereghe iji orekoghe moyo.

JOHANE 11:19

na Wayahudi wengi werekoghe wacha kwa weke Marita na Maria, kuwihoresha ngolo kwa wundu ghwa kifwa cha mruna.

LUKA 8:52

Na wose werekoghe wikikema na kumlilia; ela Jesu ukawizera, “Msakelila, angu mwana ndefue anduangi, ela waalala.”

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

AYUBU 29:13

Mundu orekoghe kaavui na kufwa orenirasimieghe; ngam'bonya muka mkiwa ubore kwa kuboilwa.

2 WAZURI 4:20

Uendamghenja kwa mae, mae ukammbwadia andambinyi; hata dime ghadi, uja mwana ukafwa.

2 WAZURI 4:16

Nao Elisha ukamzera, “Kimu sa ichi mwaka ghuchagha, kuchammbwadia mwana wa womi.” Uja muka ukaghamba, “Ii hata bwana wapo, mundu wa Mlungu kuseningire isuwirio ja tee ini mdumiki wako.”

1 WAZURI 17:23

Elija ukammbwada uja mwana kufuma chumba cha ighu, ukamreda kwa mae ukaghamba, “Wona mwana wako oko moyo.”

1 WAZURI 17:18

Uja muka ukamzera Elija, “Kwaki kunibonyere huwu? Welee, koocha kwapo eri kumkumbuse Mlungu kaung'a yapo hata mwana wapo ufo?”

1 WAZURI 17:12

Uja muka ukamzera, “Naghema kwa BWANA Mlungu wako uko moyo siwadie mkate. Neeka na kamufu katini mkoponyi, na mavuda matini chupenyi; nawuyashoa iri mbande eri nibonye mkate, dije na mwana wapo diwonebwaghwa ni njala.”

1 WAZURI 17:9

“Wuka kughende isanga ja Zarefathi jiko Sidoni, kukaie aho. Ola namlaghira muka-mkiwa ukaiagha aho ukunekeghe vindo.”

2 SAMUELI 14:7

Idana kichuku chose cheewuka chikinizera, ‘Funya umundu ubwaghie mmbao, nao moni ubwagho kulipia irangi ja mruna uhu um'bwaghie;’ na kwa kubonya huwo, wichanonia mundu wa ifwa wori. Huwo wichaniinjira ako kaika keresighiloghe kikiaka, na hata mndwawomi wapo uchasowa kivalwa hata irina aha ndoenyi.”

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

KUZOYA 22:2

Mlungu ukamzera, “Mmbwade mwana wako, uo mwana wako wa ititi Isaaka kumkunde na ndighi, kughende nao isanga ja Moria, kumfunye kizongona chekora aho aighu ya mghondi ghumu nichaakughoria.”

LUKA 7:11

Nyuma kutini, Jesu ukaghenda muzi ghwa Naini; wanughi wake chiaimweri na izungu ibaa ja wandu wikaghendanya nao.

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”