LUKA 6:25 - Biblia Ilagho Jiboie Kwa Wandu Wose

²⁵ Ni bugha konyu inyo mghudagha idana, angu mchasikira njala. Ni bugha konyu inyo msekagha idana, angu mchakaia na wasi na kulila.

LUKA 6:25 Referans Kwoze

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

JAKOBO 4:9

Mkuwone moko wasinyi mlile na kukema mchungu. Seko renyu righaluso kukema mchungu, na kuboilwa konyu kuwue kuwawa.

MAKATANISHO 14:13

Ngolo yadima kukaia na luwawo mundu ukiseka, na kuboilwa kukasia wasi ghuandelia.

WUFUNUO 3:17

Angu oho kwaghamba, ‘Ini nawadie mali, nachurikie hata sine haja na kilambo chingi;’ kusemanyagha kukaia oho ko mundu wa wasi, owasira wughoma, mkiwa, kitungure, na kuko duu.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

WAEFESO 5:4

Msakekaia na wuchafu ghungi, hata madedo gha kisha kisha, angu nganyi risefwanagha, ela wulalo ghwaro mumfunyire Mlungu chawucha.

LUKA 13:28

Aho mchalila na kuja maghegho ghenyu, iji mchaammbona Abrahamu, Isaaka, na Jakobo, na walodi wose andenyi ya wuzuri ghwa Mlungu, na inyo mmbeni mwadeghwa shighadi.

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

LUKA 8:53

Wikamseka loli-loli wikimanya angu wameria kufwa.

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 9:20

Wandu wakukwanyira vindo andu kose isangenyi, na kuja icho chose wichiwonagha, ela wasigharika wiko njala wokoni; hata wiaja wana wawo weni.

ISAYA 8:21

Wandu wichamara-mara isangenyi wiko na wasi na njala, nawo wichachulwa ni machu kwa wundu ghwa njala hata widime wamsholia mzuri na Mlungu wawo, wikighaluka na kuzighana nokoighu.

MCHILI 7:6

Mkelu ukakaseka ni sa minjwa ibobokagha a modonyi. Ndeina maana ingi.

MCHILI 7:3

Wasi ni baa kuchumba kuseka; ghwadima kukubonya kukuche wushu, ela ghuakutesia kutambukilwa nicha.

MCHILI 2:2

Ngawona kukaia kuseka ni wukelu, na maboilo ndeghiredagha wucha ghungi.

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

ZABURI 49:19

uchanugha weke wawae kifonyi, awo wisewuyaawona mwengere jingi.

1 SAMUELI 2:5

Awo werekoghe wighudie wabonya vibarua wipate vindo, ela awo werekoghe na njala waghuda. Kolowi wavae wana mfungade, ela uo muka uvae wana wengi wasighwa duu.

LUKA 6:24

Ela ni bugha konyu inyo muko na mali, angu mwameria kupata wuhoreshi ghonyu.

LUKA 6:26

Ni bugha konyu iji wandu wamkuma angu niko koni weke wawa wawo werebonyereghe kwa walodi wa tee.