LUKA 6:21 - Biblia Ilagho Jiboie Kwa Wandu Wose

²¹ Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

LUKA 6:21 Referans Kwoze

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

LUKA 1:53

Awa wiko na njala wawighudisha na vindo vicha, na wazuri wawisigha mikonu miduu.

MATHAYO 5:4

Warasimilwa awo wiko na wasi, angu awo wichahoreshwa.

WUFUNUO 7:16

Ndewichaazughwa hata kusikira kau ingi sena. Iruwa ndejichaawikaba, hata kusikira kukabwa ni mruke ghungi anduangi.

LUKA 6:25

Ni bugha konyu inyo mghudagha idana, angu mchasikira njala. Ni bugha konyu inyo msekagha idana, angu mchakaia na wasi na kulila.

1 WAKORINTHO 4:11

Hata huwu deeka njala, na kau; daawuyaenda na marasi, na kukabwa na ngonde, hata ndediwadie muzi;

JOHANE 4:10

Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

ISAYA 30:19

Inyo wandu wa Sioni, mkaiagha Jerusalemu, ndemchaalila sena. Kwa kukaia Mlungu uchakaia na wughoma aighu enyu loli. Iji mwamkemia umtesie, uchamsikira na kumtumbulia.

ZABURI 107:9

Wadawihoresha wiko na kau, na awo wiko na njala, wadawighudisha na vindo vicha.

ZABURI 17:15

Ela ini nichakaia na hachi eghuzighana wushu ghwako; na iji nawuka, nichakatwa ni kukuwona oho.

KUZOYA 21:6

Nao Sara ukaghamba, “Mlungu wanibonyera iseko, kula mundu uchaasikira uchaseka andwamweri nani.”

KUZOYA 17:17

Niko Abrahamu ukaghwa kiwushu-wushu, ukaseka ukaghamba ngolonyi kwake, “Mundu wa miaka ighana wadima kuva mwana? Sara wa miaka mirongo ikenda uchava mwana?”

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.

2 WAKORINTHO 12:10

Niko huwo, kwa wundu ghwa Kristo, naboilwa andenyi ya wunyonge, na kudukanwa, na wasi, na kukorongwa, na hasara; angu iji niko mnyonge, niko niko na ndighi.

2 WAKORINTHO 11:27

Nabonyere kazi kwa wasi, ngisowa dilo nakio mando malazi, kwa njala na kau, ngifunga tumu kalazi koni, kwa mbeo na zuna.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

JOHANE 11:35

Jesu ukadikwa ni mbori.

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

EZEKIELI 7:16

Na wandu wangi wisigharikagha na kufufunuka, wichakaia aighu mighondinyi sa mbughi ra vololonyi, wikikulilia weni kwa wundu ghwa makosa ghawo.

JEREMIA 31:25

Angu nichaihoresha iyo roho isirilo, na kula roho idumbukagha nichaighudisha.”

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

ISAYA 66:10

Boilonyi chiaimweri na Jerusalemu, ee, inyo mmbose mghukundagha ugho muzi; zumenyi chiaimweri nagho kwa kuboilwa inyo mmbose morekoghe mkighulilia.

ISAYA 25:6

BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

ZABURI 143:6

Nakughoruya mikonu yapo ngilomba; roho yapo yakaia na kau na oho sa ndoe iomie.

ZABURI 119:136

Niadikwa ni mbori sa machi, angu wandu wisewadiagha sharia yako.

ZABURI 65:4

Warasimilwa wandu kuwisaghuagha na kuwireda kaavui wikaieghe wazenyi kwako. Dichakatwa ni vilambo vicha va nyumbenyi kwako, iyo Hekalu yako ya wueli.

ZABURI 28:7

BWANA ni ndighi rapo na ngao yapo; nadamrumiria, nao wadanitesia. Ngolo yapo yaboilwa nandighi; nani nichamfunyira chawucha kwa kum'boria lumbo.

LUKA 6:20

Nao Jesu ukawizighana wanughi wake ukaghamba, “Mwarasimilwa inyo muko wakiwa, angu wuzuri ghwa mlungunyi ni ghonyu.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.