LUKA 6:13 - Biblia Ilagho Jiboie Kwa Wandu Wose

¹³ Hata iji ndoe yaela ukawiwanga wanughi wake, na aghadi ya awo, ukawisaghua ikumi na wawi na kuwiwanga “Wadumi”.

LUKA 6:13 Referans Kwoze

WUFUNUO 21:14

Wurigha ghwa muzi ghorekoghe na magho gha misingi ikumi na awi, na aighu yaro, korekoghe na marina ikumi na awi gha wadumi wa Mwana wa Ng'ondi.

WAEFESO 4:11

Na manosi ghake gherekoghe wamu wikaie wadumi, wamu wikaie walodi, wamu wikaie wachili wa Ilagho Jiboie, wamu wikaie walisha, na wamu wikaie walimu;

MARKO 6:30

Niko waja wadumi wikawuya kwa Jesu, wikamghoria ghose werebonyereghe na kufundisha.

MARKO 6:7

Ukawiwanga waja wanughi ikumi na wawi wimchee, ukazoya kuwiduma wawi-wawi, ukawineka ndighi aighu ya pepo ra makakala.

MATHAYO 9:36

Nao iji wawizighana wandu, ukawiwona wasirimwa na kusaghisika, ukawadwa ni wughoma angu werekoghe sa ng'ondi risewadie mlisha ungi.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 12:1

Nao alama mbaa ikawoneka mlungunyi; muka urushiro iruwa, na mori ghuko aisi ya maghu ghake; na chongonyi kwake, korekoghe na kirumbu cha nyerinyeri ikumi na iwi.

2 PETRO 3:2

mpate kukumbuka seji walodi wielie werezoeghe kughora, na ugho momu ghwa Bwana na Mkiri ghuchee kwa chia ya wadumi wenyu.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEFESO 2:20

muaghilo aighu ya msingi ghwa wadumi, na walodi, Kristo Jesu moni ukikaia igho ja mbembenyi.

MABONYO GHA WADUMI 1:13

Hata iji wameria kuvika, wikajoka na kungia chumba cha gorofenyi; andu werekoghe wikikaia: Petro, Johane, Jakobo, Andrea, Filipo, Tomasi, Bartholomayo, Mathayo, Jakobo wa Alfayo, Simoni Zelote, na Juda wa Jakobo.

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

LUKA 11:49

Kwa wundu ughu hikima ya Mlungu ereghambieghe, ‘Nichawidumia walodi na wadumi; wamu wawo wichawitirira na kuwibwagha,’

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 10:2

Marina gha wadumi ikumi na wawi nigho agha: Wa imbiri Simoni uwangwagha Petro, na Andrea mruna, Jakobo na Johane wana wa Zebedayo;

LUKA 6:14

Simoni, uo oremmbangieghe Petro, na mruna Andrea, Jakobo na Johane, Filipo na Bartholomayo,

JOHANE 4:33

Niko wanughi wikakotiana weni na weni, “Kewada mndungi wamredia vindo?”