LUKA 6:12 - Biblia Ilagho Jiboie Kwa Wandu Wose

¹² Matuku agho, Jesu ukajoka mghondinyi kulomba, ukalomba Mlungu kio chee.

LUKA 6:12 Referans Kwoze

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

MARKO 6:46

Umeria kulaghana nawo, ukajoka mghondinyi kwenda lomba Mlungu.

MARKO 1:35

Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu.

WAKOLOSAI 4:2

Duonyi mkilomba kwa kufunga ndighi, na kucheresha andenyi yaro, mkifunya chawucha.

MATHAYO 6:6

Ela oho iji kwakalomba, kungie chumbenyi kwako, kurughe mnyango, kumlombe Ndeyo uko kivisonyi; na Ndeyo uwonagha kivisonyi uchakulipa.

DANIELI 6:10

Nao iji Danieli wamanya kukaia ija sharia yameria kungirwa sahihi, ukaghenda nyumbenyi kwake ukajoka gorofenyi ukarughua madirisha ghake kulangaya cha Jerusalemu, ukadunga ngokoro mando adadu kwa ituku, ukalomba na kufunya chawucha kwa Mlungu wake sa iji koni orekoghe ukibonya.

ZABURI 22:2

Ee Mlungu wapo, nakema nadime, ela ndekuwuenitumbulia; hata nakio, ela siwuehoreshwa.

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

MATHAYO 5:1

Jesu uendajiwona jija izungu ja wandu, ukajoka mghondinyi, ukasea kidombo; na wanughi wake wikamghendia;

MARKO 3:13

Jesu ukajoka mghondinyi, ukawiwanga kwake awa orewikundieghe, nawo wikamghendia.

LUKA 5:16

Nao ukaghenda andu kusewadie wandu, ukalomba Mlungu.

LUKA 6:11

Ela wikachulwa ni machu loli-loli na kuja malagho wikilola wim'bonya wada Jesu.

LUKA 6:17

Nao iji Jesu wasea kufuma mghondinyi andwamweri nawo, ukakaia kimusi andu kwa wurindi chiaimweri na wanughi wake wengi; na izungu ja wandu wifumie Judea yose, Jerusalemu, na pwani ya Tiro na Sidoni, werechieghe kumsikira na kuboiswa makongo ghawo;

LUKA 9:18

Ituku jimu Jesu orekoghe ukilomba uekeri, na wanughi wake werekoghe kaavui; nao ukawikotia, “Wandu waghambagha ini nani?”

LUKA 9:28

Nao matuku wunyanya ghiendasia, nyuma ya malagho agho kughorwa, Jesu ukawidwa Petro, Johane, na Jakobo ukaghendanya nawo mghondinyi kulomba.

LUKA 9:29

Hata iji orekoghe ukilomba, fwana yake ikaghaluka, na marwao ghake ghikawuya gha chokwa choo gha kung'ala-ng'ala.

JOHANE 6:3

Jesu ukajoka mghondinyi ukasea kidombo andwamweri na wanughi wake.