LUKA 5:20 - Biblia Ilagho Jiboie Kwa Wandu Wose

²⁰ Hata iji Jesu wajiwona irumirio jawo ukamzera, “Ee mundu, kwalekwa kaung'a rako.”

LUKA 5:20 Referans Kwoze

MABONYO GHA WADUMI 14:9

Ukasikira Paulo ukighora, na Paulo ukamkuya meso ghake, nao ukimmbona seji uko na irumirio jeboiswa,

MATHAYO 9:2

Nao wandu wamu wikamredia mkelemeri wa kupooza walala wulinyi. Jesu uendawona irumirio jawo ukamzera uja mkelemeri, “Kaia na ngolo mwanwapo, kaung'a rako ralekwa.”

LUKA 7:48

Nao ukamzera muka, “Kaung'a rako ralekwa.”

WAKOLOSAI 3:13

mkirumaghiana mmbeni na mmbeni, na ngera mndungi oko na ilagho jingi aighu ya mmbao, mfuyane wughoma sa iji koni Bwana oremfuyeghe wughoma inyo, nenyo wori suti mfuyane wughoma.

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

MARKO 2:5

Nao iji Jesu wawona irumirio jawo, ukamzera uja mkelemeri, “Mwanwapo, kaung'a rako ralekwa!”

JAKOBO 2:18

Ela mndumu wadima kughamba, “Oho kwawadie irumirio, nani moni neko na mabonyo.” Niwonyere irumirio jako kuseko na mabonyo, nani nikuwonyere irumirio japo kwa mabonyo ghapo.

2 WAKORINTHO 2:10

Mundu uo ose mumfuyagha wughoma, nani wori namfuya wughoma. Ijo nijifuye wughoma, ikakaia jingi jiko, edeeka ni kwa wundu ghonyu imbiri ya Kristo

ISAYA 38:17

Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

JOHANE 5:14

Konyuma Jesu ukamkua uja mundu Hekalunyi, ukamzera, “Ola kwaboisiro, lindia kusebonye kaung'a sena kuchepatwa ni ilagho jizamie kuchumba jija.”

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

MATHAYO 9:5

Iji jiangue kughora ni jiao? Ni kughamba ‘Kwalekwa kaung'a rako’ angu ni kughamba, ‘Wuka kwende?’