LUKA 5:13 - Biblia Ilagho Jiboie Kwa Wandu Wose

¹³ Jesu ukaghughorua mkonu ghwake ukamuadada ukighamba, “Nakunda, eleshwa.” Nao shwa wori ija sima ikamsigha.

LUKA 5:13 Referans Kwoze

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

EZEKIELI 36:29

Nichamfunya wuchafunyi ghonyu ghose, nani nichalaghira viro vichurikie konyu kwa wungi; hata njala ingi ndeichaakaia konyu sena anduangi.

2 WAZURI 5:14

Nao ukaghenda na kukungira Jordani mando mfungade, karakara na ilagho ja mundu wa Mlungu, na mumbi ghwake ghukawuya ghudendere sa ghwa mwana mtini; ukaeleshwa.

LUKA 4:39

Ukacha ukakaia kaavui na wuli ghwake, ukaikania ija homa, nayo ikamsigha; ukawuka shwa wori ukawidumikia.

ZABURI 33:9

Iji oreghorieghe, wurumwengu ghorebonyekieghe; ukafunya momu, ghukamangishwa.

2 WAZURI 5:10

Elisha ukamdumia mundu umzere, “Ghenda kukuoghoshe andenyi ya moda ghwa Jordani mando mfungade, na oho kuchaboa putu.”

KUZOYA 1:9

Mlungu ukaghamba, “Machi ghiko mlungunyi nandonyi ndeghitumbanyike chiaimweri, na ndoe iomie iwoneke.” Nao ikakaia wokoni.

KUZOYA 1:3

Mlungu ukaghamba, “Mwengere ndeghukaie”, na mwengere ghukakaia.

MATHAYO 8:3

Jesu ukaghorua mkonu ghwake ukamuadada ukighamba, “Nakunda; eleshwa oho.” Nao shwa uja mundu ukaeleshwa.

LUKA 5:12

Nao iji Jesu orekoghe muzi ghumu, ukacha mundu uchue sima; hata iji wammbona Jesu ukaghwa kiwushu wushu imbiri kwake ukamvoya ukimzera, “Bwana, ngera kwakunda kwadima kunielesha.”

LUKA 5:14

Ukamlaghira ukighamba, “Kusakemghoria mndungi, ela ghenda kukuwonyere kumoni kwa mkohani, sena kufunye kizongona kwa wundu ghwa kueleshwa kwako, sa iji koni Musa orelaghirieghe, kwa wundu ghwa wushuhuda kwa wandu.”