LUKA 3:36 - Biblia Ilagho Jiboie Kwa Wandu Wose

³⁶ uo orekoghe mwana wa Kainani, mwana wa Arifakishadi, mwana wa Shemu, mwana wa Nuhu, mwana wa Lameki;

LUKA 3:36 Referans Kwoze

2 PETRO 2:5

Hata ndereghulekieghe ghuja wurumwengu ghwa kala, ela oremkirieghe Nuhu mchili wa hachi, andwamweri na wandu wazima mfungade, iji oreiredieghe gharika aighu ya wurumwengu ghwa wandu wisemuobuagha Mlungu.

1 PETRO 3:20

iro rereleghieghe kusikira aho imbiri, iji Mlungu orekoghe ukiwesera kwa kurumaghia ngelo Nuhu orekoghe ukiagha safina; andenyi yaro, wandu watini, nawo ni wandu wunyanya, werekiriloghe machinyi.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

LUKA 17:27

Werejieghe, wikanywa, wikalowua, wikalowolwa, hata ituku jija Nuhu orengirieghe safinenyi, ikacha gharika na kuwitotesha wose.

EZEKIELI 14:14

Hata ngera awa wandu wadadu wadakaia aeni, Nuhu, Danieli, na Ayubu, wadadima tu kukira marangi ghawo kwa hachi yawo. Ini Bwana MLUNGU naghamba.

1 MALAGHO GHA NGELO 1:17

Wana wa Shemu ni: Elamu, Ashuri, Arpakishadi, Ludri, Aramu, Usi, Huli, Getheri, na Mesheki.

KUZOYA 9:18

Wana wa Nuhu awa werefumieghe safinenyi ni Shemu, Hamu, na Jafethi. Hamu orekoghe ndee Kanaani.

KUZOYA 9:1

Nao Mlungu ukamrasimia Nuhu na wana wake ukawizera, “Venyi mchurikie, muichure ndoe.

KUZOYA 8:1

Ela Mlungu ukamkumbuka Nuhu, nyamandu na mfugho rose rerekwanyeghe nao safinenyi. Mlungu ukareda kuweta kwa mbeo aighu ya ndoe, machi ghikazoya kupungua.

KUZOYA 7:23

ikaiagha ni mdamu, angu nyamandu, angu shimandu, angu nyonyi; rose rikafwa na kuinjwa ndoenyi. Nuhu tu nuo oresigharikieghe andwamweri na awo werekwanyeghe nao safinenyi.

KUZOYA 7:13

Ijo ituku jeni Nuhu orengirieghe safinenyi, uo, na wana wake, Shemu, Hamu, na Jafethi, muka wake, na waka wadadu wa wana wake werengirieghe safinenyi.

KUZOYA 6:22

Nuhu ukabonya ghose orelaghiriloghe ni Mlungu.

KUZOYA 5:3

Iji Adamu orekoghe mundu wa miaka ighana na mirongo idadu orevaeghe mwana ufwanane nao moni, ukammbanga irina jake Sethi.

1 MALAGHO GHA NGELO 1:1

Adamu oremvaeghe Sethi, Sethi ukamva Enoshi;

LUKA 3:35

uo orekoghe mwana wa Serugi, mwana wa Reu, mwana wa Pelegi, mwana wa Eberi, mwana wa Shela;

LUKA 3:37

uo orekoghe mwana wa Methusela, mwana wa Enoko, mwana wa Jaredi, mwana wa Mahalaleli, mwana wa Kainani;