LUKA 3:11 - Biblia Ilagho Jiboie Kwa Wandu Wose

¹¹ Ukawitumbulia, “Uo uko na makoti awi, ndemmbaghie uo usewadie jingi, na uo uko na vindo ndebonye wokoni.”

LUKA 3:11 Referans Kwoze

1 JOHANE 3:17

Ela ngera mndungi wawadie vilambo va wurumwengu, na kummbona mruna usewadie, ukakaia na ngolo ikurie emuima, lukundo lwa Mlungu lwakaia wada andenyi kwake?

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

1 JOHANE 4:20

Mndungi ukaghamba “Namkunde Mlungu,” nao uazamilwa ni mruna, mundu uo ni mtee. Angu uo uzamilwagha ni mruna ummbonagha, ndedimagha kumkunda Mlungu usemmbonagha anduangi.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.

MABONYO GHA WADUMI 10:2

Orekoghe ukinugha dini na kumuobua Mlungu andwamweri na wandu wake wose. Ukakaia ukifunya makuwio mengi kwa wandu, na kulomba Mlungu matuku ghose.

JOHANE 13:29

Wamu wikaghesha wei angu Juda orekoghe ukidwa mfuko ghwa pesa, Jesu odemzera ughuo ivo vindo vikundikagha kwa ndima, angu kewada uneke wakiwa kindo chimu.

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

EZEKIELI 18:7

Usekorongagha mndungi, ela wadammbunjira msile wake icho orechiwikieghe wufunga; ndesokagha, ela wadamneka vindo uo uko na njala, na kumneka nguwo uo uko na zuna.

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

JAKOBO 2:14

Wele wanidu, ni fwaidaki mundu kughora wei oko na irumirio, mabonyo ghiseko? Ijo irumirio jake jadima kumkira?