LUKA 24:44 - Biblia Ilagho Jiboie Kwa Wandu Wose

⁴⁴ Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

LUKA 24:44 Referans Kwoze

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MABONYO GHA WADUMI 13:33

wadikatishira isi wana wawo kwa kumrukisha Jesu; seji iandikilo wori kwa Zaburi ya kawi: ‘Oho ko Mwana wapo, nakuva idime.’

LUKA 9:22

ukawizera, “Ni suti Mwana wa Mdamu utiriro maza nyingi, na kuleghwa ni wabaa na wakohani wabaa, na walimu wa Sharia, sena ubwagho, ela ituku ja kadadu ucharukishwa.”

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WAEBRANIA 10:1

Kwa kukaia iyo Sharia eeka na kirerendi cheni cha vilambo viboie vichagha, wulalo ghwa fwana ya loli ya ivo vilambo, na jingi ndeidimagha kuwikatisha awo wandu wisoghodagha kwa Mlungu, kwa kufunya vizongona vija veni tulituli mwaka hata mwaka.

JOHANE 5:46

Ngera loli modemrumiria Musa, kumangu mwanirumiria ini wori, kwa kukaia Musa oreandikieghe malagho aighu yapo.

ZEKARIA 6:12

Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ZABURI 118:22

Igho jerelegheloghe ni waaghi, jawurie ibaa ja mbembenyi.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

WAEBRANIA 9:8

Kwa maza iri, Roho Mweli wawonyera kukaia chia engia Andu kwa Wueli Kuchumbie, yaduagha iserughulo iji iyo hema ya shighadi iduagha kimusi;

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

EZEKIELI 17:22

Bwana MLUNGU waghamba huwu, “Nichadwa mdo ghwa mudi ghwa sida nimoni, na kuinja mbashu raro ngoo; nani nichaghutula aighu ya mghondi mlacha.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

MITALO 35:25

Wandu wichamkira uo mundu ubwaghie usebwagho ni mundu olipia kisasi, na kummbunja mzinyi ghwa wakimbii andu orekoghe wakimbiria, nao uchadua aho hata Mkohani M'baa uo oredungiloghe mavuda gha wueli wameria kufwa.

MITALO 21:8

BWANA ukamzera Musa, “Bonya choka ya shaba kuijose aighu nguronyi, na kula mundu walumwa ukaizighana uchakaia moyo.”

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

JOHANE 3:14

“Sena sa iji koni Musa oreijosereghe ija choka ya shaba kireti, ni huwo koni Mwana wa Mdamu suti ujoso;

LUKA 24:46

Ukawizera, “Huwo niko iandikilo kukaia yamfwana Kristo utiriro, na ituku ja kadadu uruke kufuma kwa wafu.

JEREMIA 33:14

BWANA waghamba, “Olenyi matuku ghichacha, nani nichajikatisha ilaghiro nerejibonyereghe na wandu wa Israeli na wandu wa Juda.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

KUZOYA 14:18

Na Melkizedeki mzuri wa Salemu ukamredia mkate na divei, nao orekoghe ni Mkohani wa Mlungu-Uko-Aighu-Nandighi.

WAEBRANIA 7:1

Uo Melkizedeki, mzuri wa Salemu, mkohani wa Mlungu Uko Aighu Na Ndighi, orekwaneghe na Abrahamu, iji orekoghe ukiwuya kufuma wudenyi, andu orekoghe wawibwagha wazuri; Melkizedeki ukamrasimia;

WAEBRANIA 3:5

Na Musa orekoghe mloli andenyi ya nyumba yose ya Mlungu sa mdumiki, upate kushuhudia maza rechaadedwa konyuma ni Mlungu.

MABONYO GHA WADUMI 7:37

Uo Musa nuo moni orewizerieghe Waisraeli, ‘Mlungu uchammbusiria mlodi kufuma aghadi ya wanyinyu sa ini.’

LUKA 22:37

Angu namghoria, suti Maandiko agha ghikatie, ‘Oretaliloghe andwamweri na wakosi,’ na kula iandiko jiandikilo kwa wundu ghwapo, suti jikatisho.”

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

LUKA 9:44

“Deghenyi madu msikire agha malagho nicha; Mwana wa Mdamu uchafunywa mikonunyi kwa wandu.”

MATHAYO 26:56

Ela agha ghakaia eri Maandiko gha walodi ghikatie.” Niko wanughi wose wikamsigha wikakimbia.

MATHAYO 26:54

Ela ikakaia huwo Maandiko ghikatishwa wada agho ghighorie angu suti maza iri rikaie?”

MATHAYO 16:21

Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

1 PETRO 1:11

Wikakotia ngera ni mnduki, angu ni ngelo iao erewonyeroghe ni Roho wa Kristo orekoghe andenyi kwawo, iji werezoeghe kuwona uko kutirirwa kwa Kristo, na ugho wubaa ghuchaanugha nyuma.

MABONYO GHA WADUMI 3:18

Ela Mlungu oreghorieghe kokala kwa chia ya walodi wose angu Kristo wake uchatirirwa; nao wajikatishire ilagho ijo kwa chia ihi.

MARKO 9:31

angu orekoghe ukiwifundisha wanughi wake ukiwizera, “Mwana wa mdamu uchafunywa mikonunyi kwa wandu, nawo wicham'bwagha. Ela nyuma ya matuku adadu, ucharuka sena.”

MATHAYO 1:22

Na agha ghose gherebonyekieghe, eri malagho gha Bwana oreghighorieghe kwa momu ghwa mlodi ghipate kukatia ghighambagha,

MABONYO GHA WADUMI 2:27

Angu ndekuchaaisigha roho yapo iduo kwa wafu, hata ndekuchaamsigha Mweli wako uwone kuwoa kungi anduangi.

MABONYO GHA WADUMI 13:40

Kwa huwo mkulindie msechechelwa ni jija ilagho jighorelo ni walodi: