LUKA 23:2 - Biblia Ilagho Jiboie Kwa Wandu Wose

² Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.”

LUKA 23:2 Referans Kwoze

JOHANE 19:12

Nao kufuma aho Pilato ukakaia ukilola chia emfungua; ela Wayahudi wikachuria kughora kwa chwaka mbaa, “Kukamlekeria uo mundu, ndekuko mghenyi wa Kaisari anduangi; kula mundu ukubonyagha moni mzuri, wadasimana na Kaisari.”

LUKA 23:14

ukawizera, “Inyo mwaniredia uhu mundu mkighora wei waawuyalaghasha wandu, na nyuma ya kuzighana malagho ghake imbiri konyu siwonie ikosa jingi kwake kwa agho mumshitakiagha nagho anduangi.

MABONYO GHA WADUMI 24:5

Dawonie mundu uhu oko na ndengwa, ni m'bonyi sheshe aghadi ya Wayahudi wose wurumwengunyi kose, nao ni kilongozi cha dini ya Wanazareti.

JOHANE 18:30

Nawo wikamtumbulia, “Ngera mundu uhu si mmbiwi, kumangu ndadamredagha kwako anduangi.”

MARKO 12:17

Nao Jesu ukawizera, “Mnekenyi Kaisari vilambo viko vake Kaisari, na Mlungu vilambo viko vake Mlungu.” Nao wikashinika loli-loli.

MATHAYO 22:21

Wikaghamba, “Ni va Kaisari.” Nao ukawizera, “Kwa huwu mnekenyi Kaisari vindo va Kaisari na Mlungu vindo va Mlungu.”

ZEKARIA 11:8

Andenyi ya mori ghumweri, ngachumbana na walisha wadadu werezamiloghe ni ini, dikasighana.

JEREMIA 38:4

Niko wabaa wikamzera mzuri, “Umundu yamfwana ubwagho. Kwa kukaia waawuyaredia masikari ghisigharikie andenyi ya ughu muzi wunyonge, chiaimweri na wandu wose, kwa kuwighoria malagho ghifwane huwu; kwa kukaia ndewuelola wucha ghwa wandu, ela kunoneka kwawo.”

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

ZABURI 62:4

Mookunda tu kumuinjira ishima jake. Mwadaboilwa ni kughora tee, Mwadarasimia kwa memu yenyu, ela kondenyi mwadawasira njowe.

MABONYO GHA WADUMI 24:13

Hata ndewidimagha kuwonyera wuloli ghwa malagho winishitakiagha nagho idana anduangi.

LUKA 23:5

Ela awo wikachuria kughora kwa ndighi, “Wadawikumba wandu sheshe kwa mafundisho ghake isanga jose ja Judea, kufuma Galilaya, hata aha.”

MATHAYO 17:27

Ela disakewikuwisha; ghenda ndiwenyi, kukumbe kiloo; iji kwawada samaki ya imbiri, na kuitambarua momu ghwake, kuchapata pesa shekeli imweri; nao kuwineke kwa wundu ghwapo na ghwako.”

AMOSI 7:10

Niko Amazia, mkohani wa Betheli, ukaduma momu kwa Mzuri Jeroboamu ukighamba, “Ola Amosi wadeda malagho gha sheshe aighu yako aghadi ya wandu wa Israeli, na malagho ghake ni gha ndengwa kwa isanga.

ZABURI 35:11

Washahidi wa tee wawuka aighu yapo; wianishitakia na malagho niseghiichi.

1 WAZURI 18:17

Nao iji Ahabu wammbona Elija ukaghamba, “Wele ni oho kumoni, msumbui Israeli?”

MATHAYO 27:11

Nao Jesu ukakaia kimusi imbiri ya m'baa wa isanga; na m'baa wa isanga ukamkotia, “Welee, oho ko Mzuri wa Wayahudi?” Jesu ukaghamba, “Ohokwaghamba.”

MARKO 15:2

Pilato ukamkotia Jesu, “Welee, oho koko Mzuri wa Wayahudi?” Jesu ukatumbulia, “Ni oho kwaghamba.”

JOHANE 18:29

Pilato ukawifumia shighadi ukawikotia, “U mundu mwamshitakiaki?”

WAROMA 13:7

Wilipenyi iro riko hachi yawo, kodi kwa uo ufwanagha kodi, wushuru kwa uo ufwanagha wushuru, ishima kwa uo ufwanagha ishima, na kuobua kwa uo ufwanagha kuobolwa.