LUKA 21:25 - Biblia Ilagho Jiboie Kwa Wandu Wose

²⁵ “Kuchakaia na alama andenyi ya iruwa, mori na nyerinyeri, na ndoenyi mbari richakaia na wasi na kukambwa ni chongo, kwa wundu ghwa mirurumo ya bahari na mivo-mivo yaro.

LUKA 21:25 Referans Kwoze

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

MABONYO GHA WADUMI 2:19

Nani nichawiwonyera mashiniko aighu mlungunyi, na alama aisi ndoenyi; kuchakaia na bagha, modo, na mosi ghwa ikungughu.

ISAYA 51:15

“Ini ne BWANA Mlungu wako, uo uinyavuragha bahari hata mivo-mivo yaro irurume; irina japo ni BWANA wa majeshi.

MARKO 13:26

Niko wichaammbona Mwana wa Mdamu ukicha mawingunyi kwa ndighi na wubaa mungi.

MARKO 13:24

“Ela matuku agho, nyuma ya matiriro, iruwa jichawuya kira, na mori ndeghuchaafunya miengere yaro anduangi.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

ZABURI 46:3

Hata ngera machi gharo gharuruma na kufunya ifuo, na mighondi kusughuswa ni mivo-mivo yaro, ndedichaaobua.

MARKO 15:33

Na iji yavika saa irandadu, kukangia kira isanga jose hata saa ikenda.

JEREMIA 4:23

Nerezighanireghe ndoenyi nao ngawona ni kitungasi, hata eeka nduu; ngazighana mlungunyi ngawona ndekuwadie mwengere.

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

MATHAYO 27:45

Nao kufuma saa irandadu, kira chikasea isanga jose, hata saa ikenda.

MIKA 7:4

Mundu uboie uko mloli kuchumba wose, kwawo wadamenywa na kuwoneka sa isaka. Ituku jekabwa ni Mlungu jameria kuvika; kwa kukaia wawionyere kwa kutumia walindiri wake, awo walodi. Idana walaghalwa ni akili.

ISAYA 17:12

Sikirenyi chwaka ra wandu wa mbari nyingi, rikiruruma sa kuruma kwa bahari; ni kururuma kwa iro mbari ra wandu sa kughona kwa machi mengi.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

LUKA 21:26

Wandu wichazimia kwa wowa, wikiweseria icho chichaaghupata wurumwengu, kwa kukaia ndighi ra mlungunyi richasukwa-sukwa.