LUKA 20:22 - Biblia Ilagho Jiboie Kwa Wandu Wose

²² Idana dighorie, ni hachi isi dilipe kodi kwa Kaisari anguwada?”

LUKA 20:22 Referans Kwoze

NEHEMIA 9:37

Mavalo gharo mengi ghaawuyaghenjwa kwa wazuri kuwiwikia widibonyere nguma kwa wundu ghwa kaung'a redu. Waawuyabonya seji wikunde aighu yedu, na mfugho redu, nesi deko na wasi m'baa.”

MABONYO GHA WADUMI 5:37

Konyuma, Juda wa Galilaya ukawuka matuku gha kutala wandu, ukaruda wandu wamu wikamnugha; nao moni ukabwaghwa, na awo weremnughieghe wikasaghisika wokoni.

MATHAYO 17:25

Petro ukawitumbulia, “Ee walipagha.” Nao iji wangia nyumbenyi, Jesu ukazoya kumkotia, “Wele Simoni, keni wazuri wa ndoenyi wadalomba wushuru angu kodi kwa wana wawo angu kwa wandu wazima?”

NEHEMIA 5:4

Wamu nawo wikaghamba, “Dakopie pesa relipa kodi ya serikali kwa wundu ghwa mbuwa redu na iro ra mizabibu.

EZRA 9:7

Kufuma matuku gha weke aba, hata idana isi wandu wako dabonyere kaung'a na ndighi. Kwa wundu ghwa kaung'a redu, isi chiaimweri na wazuri wedu, na wakohani wedu, dangirie mikonunyi kwa wazuri wa kighenyi, dikabwaghwa, dikadwalwa wunyika, dikasokwa, na kusowelwa ishima, seji diko idime.

EZRA 4:13

Kwa huwo kumanye ee mzuri kukaia muzi ughu ghukaaghwa, na wurigha ghwaro ghusie, wandu awa ndewichaalipa kodi na wushuru, na pesa ra wuzuri richaapungua.

WUKUMBUSO 17:15

mkaie na wuloli kukaia ni mundu usaghulo ni BWANA; sena ukaie ni umu wa wamzenyu weni msewike mghenyi ungi useko mwanyinyu.

LUKA 20:21

Nao awo washeki wikamzera, “Mwalimu, dakumanya kwadaghora na kufundisha kwa hachi, hata ndekutalagha mndungi, ela kwadafundisha chia ya Mlungu kwa loli.

LUKA 20:23

Jesu ukaghutambua mdegho ghwawo ukawizera,

LUKA 23:2

Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.”

WAROMA 13:7

Wilipenyi iro riko hachi yawo, kodi kwa uo ufwanagha kodi, wushuru kwa uo ufwanagha wushuru, ishima kwa uo ufwanagha ishima, na kuobua kwa uo ufwanagha kuobolwa.