LUKA 2:49 - Biblia Ilagho Jiboie Kwa Wandu Wose

⁴⁹ Ukawizera, “Kwaki morenilolagha? Welee, ndemmanyire angu yanifwana kukaia nyumbenyi kwa Aba?”

LUKA 2:49 Referans Kwoze

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

JOHANE 8:29

Uo orenidumieghe oko chiaimweri nani, hata ndenisighie niekeri anduangi, angu nadabonya matuku ghose agho ghimriragha Uo.”

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

ZABURI 40:8

Naawuyaboilwa ni kubonya lukundo lwako ee Mlungu wapo.” Sharia yako eko andenyi ngolonyi kwapo.

LUKA 2:48

Nawo iji wammbona wikashinika; mae ukamzera, “Wele mwanwapo, kwadibonyere kwaki huwu? Zighana seji ini na ndeyo dijie wasi dikikulola.”

JOHANE 5:17

Jesu ukawizera, “Aba wadabonya kazi matuku ghose, kwa huwu na ini suti nibonye kazi.”

MATHAYO 21:12

Nao Jesu ukangia Hekalunyi, ukawiwinga cha shighadi wandu werekoghe wikiuza na kughua vilambo andenyi ya Hekalu; ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo.

JOHANE 9:4

Ni suti dibonye kazi rake Uo orenidumieghe ndoe iko dime, angu kio chichacha, mndungi usechaadima kubonya kazi anduangi.

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.