LUKA 2:34 - Biblia Ilagho Jiboie Kwa Wandu Wose

³⁴ Nao Simeoni ukawirasimia ukamzera Maria, mae mwana, “Ola mwana uhu wawikwa kwa wundu ghwa kughwa na kuwuka kwa wengi andenyi ya Israeli, na kwa alama etangalwa ni wandu;

LUKA 2:34 Referans Kwoze

1 WAKORINTHO 1:23

ela isi daawuyamchila Kristo usulubishiro, uo uko ikuwisho kwa Wayahudi, na wukelu kwa wandu wa mbari zima.

MATHAYO 21:44

Uo ose uchaaghwa aighu ya igho ijo uchachika vipande vipande, na uo jimghuyagha jichamsaghisa.]

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.

WAEBRANIA 7:7

Mndungi ndedimagha kukana kukaia mundu mtini nuo urasimilwagha ni uhu m'baa.

WAROMA 9:32

Kwaki? Ni angu wereilolieghe kwa chia ya mabonyo wulalo ghoilola kwa chia ya irumirio. Kwa huwo wikaakuwa aighu ya ijo igho jekuwisha

MABONYO GHA WADUMI 6:7

Ilagho ja Mlungu jikachuria kuera, na mtalo ghwa awo wirumirie ghukachurikia nandighi andenyi ya Jerusalemu, na wakohani wengi wikajinugha ijo irumirio.

MABONYO GHA WADUMI 24:5

Dawonie mundu uhu oko na ndengwa, ni m'bonyi sheshe aghadi ya Wayahudi wose wurumwengunyi kose, nao ni kilongozi cha dini ya Wanazareti.

MABONYO GHA WADUMI 17:6

Hata iji wawisowa, wikamkurudua Jasoni andwamweri na wanidu wamu, na kuwireda kwa wabaa wa muzi wikikema na kughamba kwa lwaka lubaa, “Awandu wighughalusire wurumwengu, hawa wacha aha;

MABONYO GHA WADUMI 13:45

Ela iji Wayahudi wajiwona izungu ja wandu wikachulwa ni iriso, wikaghikana malagho gherekoghe ghikighorwa ni Paulo na kumdukana.

MABONYO GHA WADUMI 4:26

Wazuri wa ndoenyi wakudeghie, na wabaa wikakwana chia imweri wimtangale Bwana na kulwa na Kristo wake.’

JOHANE 5:18

Kwa wundu ghwa madedo agho, Wayahudi wikachuria kulola chia em'bwagha, kwa kukaia Jesu ndereinonieghe Sabato cheni, ela hata Mlungu wadammbanga wei ni ndee, ukikubonya uo moni karakara na Mlungu.

JOHANE 3:20

Angu kula umu ubonyagha maza rizamie, wadazamilwa ni mwengere, nao ndechagha mwengerenyi anduangi, mabonyo ghake ghizamie ghichewoneka.

MATHAYO 27:63

wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’

MATHAYO 12:46

Hata iji orekoghe ukidedanya na wandu, mae na waruna wikakaia kimusi shighadi wikikunda kummbona.

MATHAYO 11:19

Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”

ISAYA 8:18

Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

KUFUMA 39:43

Musa ukalawua kula ilagho, ukawona angu werevibonyereghe sa iji koni BWANA oremlaghirieghe; ukawirasimia.

KUZOYA 47:7

Niko Josefu ukamreda ndee Jakobo imbiri ya mzuri. Jakobo ukamrasimia mzuri.

KUZOYA 14:19

Nao ukamrasimia Abramu ukaghamba, “Mlungu Uo-Uko-Aighu-Nandighi, uo oreumbieghe mlungunyi na ndoenyi, ndemrasimie Abramu.

WAEBRANIA 7:1

Uo Melkizedeki, mzuri wa Salemu, mkohani wa Mlungu Uko Aighu Na Ndighi, orekwaneghe na Abrahamu, iji orekoghe ukiwuya kufuma wudenyi, andu orekoghe wawibwagha wazuri; Melkizedeki ukamrasimia;

MABONYO GHA WADUMI 28:22

Ela dakunde disikire mawoni ghako kumoni; kwa kukaia isi damanya ihi dini yaawuyaghorwa kiwiwi kula andu.”

1 SAMUELI 2:20

Na Eli ukakaia ukiwirasimia Elkana na mkake ukighamba, “BWANA ndekuneke wana kufumanya na muka uhu, kwa wundu ghwa uo oremfunyireghe kwa BWANA;” na nyuma ya huwo werekoghe wikiwuya cha mzinyi kwawo.

LUKA 2:35

na luwawo lubirie sa lufu luchaidunga ngolo yako, eri maririkanyo gha ngolo ra wandu wengi, ghipate kufunukulwa.”