LUKA 2:11 - Biblia Ilagho Jiboie Kwa Wandu Wose

¹¹ angu idime koni, Mkiri wavalwa kwa wundu ghonyu mzinyi kwa Daudi, na ni Kristo Bwana.

LUKA 2:11 Referans Kwoze

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

MABONYO GHA WADUMI 2:36

“Kwa huwu Waisraeli wose ndewimanye loli, uhu Jesu moremsulubishireghe, Mlungu wam'bonya ukaie Bwana na Kristo wori.”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

LUKA 1:43

Kwaki nanekwa ilagho iji, ja kuchelwa ni mae Bwana wapo?

1 JOHANE 5:1

Kula mundu urumiriagha kukaia Jesu ni Kristo, ni mwana wa Mlungu; na kula mundu umkundagha muvi wadamkunda na mwana wori.

WAFILIPI 2:11

na wandu wose wimghore Jesu Kristo kukaia ni Bwana, kwa wubaa ghwa Mlungu Aba.

JOHANE 4:42

Wikamzera uja muka, “Idana isi darumiria, si kwa wundu ghwa malagho ghako tu, ela angu damsikira isi diweni, nesi damanya loli uhu ni Mkiri wa wurumwengu.”

LUKA 2:4

Na Josefu wori wa muzi ghwa Nazareti, ukajoka kufuma Galilaya kwenda Judea muzi ghwa Daudi, ghuwangwagha Bethlehemu, angu orekoghe wa kivalwa cha Daudi;

MATHAYO 1:16

Jakobo oremvaeghe Josefu, uo orekoghe mumi wake Maria, uo oremvaeghe Jesu uwangwagha Kristo.

1 WAKORINTHO 15:47

Uo mundu wa imbiri orefumieghe ndoenyi, ni mundu wa teri; mundu wa kawi odefuma mlungunyi.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

1 JOHANE 4:14

Nesi dawonie, sena dashuhudia, angu uja Aba oremdumieghe Mwana wake ukaie Mkiri wa wurumwengu.

JOHANE 1:45

Filipo ukammbona Nathanaeli ukamzera, “Dammbona Uo Musa oremuandikieghe sharienyi, na wokoni oreandikiloghe andenyi ya vuo va walodi; nao ni Jesu mwana wa Josefu, mundu wa Nazareti.”

MABONYO GHA WADUMI 17:3

Ukawiwonyera loli seji erekoghe suti Kristo utiriro na kuruka kufuma kwa wafu ukighamba, “Uhu Jesu nawuyamchilia nuo Kristo.”

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

JOHANE 6:69

Isi darumirie, sena dacheemanya angu oho nuo uja Mweli wa Mlungu.”

JOHANE 1:41

Imbiri ukammbona mruna Simoni, ukamzera, “Dammbona Masiha.” (Kutambua kwaro ni Kristo.)

MATHAYO 16:20

Niko ukawilaghira wanughi wake wisakemghoria mndungi wei uo nuo Kristo.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

WAKOLOSAI 2:6

Kwa huwo, sa iji koni moremmbusireghe Kristo Jesu kukaia Bwana, duonyi huwo koni andenyi kwake;

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

JOHANE 11:27

Marita ukamzera, “Ee Bwana. Narumiria angu oho koko Kristo, Mwana wa Mlungu uja uchagha wurumwengunyi.”

JOHANE 7:41

Wamu wikaghamba, “Uhu nuo Kristo.” Ela wamu wikaghamba, “Kwani Kristo uafuma Galilaya?

LUKA 2:26

Orekoghe wawonyerwa ni Roho Mweli angu ndechaawona kifwa anduangi, hata ummbone Kristo wa Bwana.

LUKA 1:69

Sena wadiwusiria ing'oni jekira, nyumbenyi kwa mdumiki wake Daudi.

ZABURI 2:2

Wazuri, wa ndoenyi wakupanga, na wabonyi nguma wabonya njama chiaimweri aighu ya BWANA na aighu ya Msaghulwa wake.

JOHANE 4:25

Uja muka ukamzera, “Namanya angu Masiha uacha, (uo uwangwagha Kristo) nao kasikira wacha, uchadiwonyera maza rose.”

MABONYO GHA WADUMI 13:23

Kufumanya na kivalwa cha mundu uo, Mlungu wawiredie Waisraeli Mkiri, sa iji koni orelaghirieghe; nao nuo Jesu.