LUKA 2:10 - Biblia Ilagho Jiboie Kwa Wandu Wose

¹⁰ Malaika ukawizera, “Msakeobua, angu namredia inyo malagho mecha gha kuboilwa kubaa kuchaakaia kwa wandu wose;

LUKA 2:10 Referans Kwoze

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 52:7

Kwaboie saki kummbona mdumwa ukighenda aighu mighondinyi, kwa wundu ghoeresha malagho mecha; uo uereshagha sere kwa kureda malagho mecha gha kukia; na kughuzera muzi ghwa Jerusalemu, “Mlungu wako wabonya nguma.”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

KUZOYA 12:3

Nichawirasimia awo wichaakurasimia oho, nani nichawiwasira njowe awo wichaakuwasira njowe; na kwa oho mbari rose ra ndoenyi richarasimilwa.”

MATHAYO 14:27

Ahoeni Jesu ukadedanya nawo ukighamba, “Kaienyi na ngolo ni ini moni msakeobua.”

LUKA 1:30

Nao malaika ukamzera, “Kusakeobua Maria, angu kwameria kupata mvono kwa Mlungu.

ISAYA 41:27

Ni ini BWANA nizoe kughoria Jerusalemu agho malagho; neremdumieghe mundu Jerusalemu kureda malagho mecha, ‘Ola wandu hawa wacha.’

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

MABONYO GHA WADUMI 13:32

Nesi damredia Ilagho Jiboie, kukaia, ijo Mlungu orewilaghirieghe weke aba,

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

LUKA 8:1

Konyuma Jesu ukamara-mara mizinyi mibaa na mitini ukichila na kueresha Ilagho Jiboie ja Wuzuri ghwa Mlungu, na waja wanughi ikumi na wawi werekoghe aeni.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

LUKA 1:19

Malaika ukamtumbulia, “Ini ne Gabrieli, nikaiagha kimusi imbiri ya Mlungu, nani naadumwa nichekughoria oho malagho mecha.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

LUKA 1:13

Ela uja malaika ukamzera, “Kusakeobua Zakaria, kwa kukaia malombi ghako ghasikirikie, na mkako Elizabeti uchakuvaia mwana wa womi, na oho kuchammbanga Johane.

MARKO 1:15

ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

WAROMA 10:15

Na wandu wichila wada ngera wisedumilo? Sa iji iandikilo, “Kwaboie nandighi kucha kwa awo wandu wiredagha Ilagho Jiboie.”

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

MATHAYO 28:5

Nao uja malaika ukawizera waja waka, “Inyo msakeobua, angu namanya mwaawuyamlola Jesu uo oresulubishiroghe.

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

LUKA 2:11

angu idime koni, Mkiri wavalwa kwa wundu ghonyu mzinyi kwa Daudi, na ni Kristo Bwana.