LUKA 19:42 - Biblia Ilagho Jiboie Kwa Wandu Wose

⁴² ukighamba, “Na wei kodemanya idime iji iro maza riredagha sere! Ela idana rakuvisikia!

LUKA 19:42 Referans Kwoze

WUKUMBUSO 32:29

Walemwa ni kutambua kwaki wisimilo; ndewidimagha kutambua niki chibonyekie.

WAEBRANIA 3:15

“Idime ngera mwalusikira lwaka lwake, msakekurisha ngolo renyu kwa kumlegha Mlungu seji weke ndeyo werebonyereghe.”

ISAYA 48:18

Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

WAEBRANIA 3:13

Ela mshashirane mmbeni na mmbeni kula ituku jiwangwagha “Idime”, eri mndungi onyu usekechakaia ughilikie kwa wukalo ghwa kaung'a.

LUKA 19:44

Nawo wichakutotesha putu, andwamweri na wana wako wiko andenyi ya wurigha ghwako; ndewichaasighara igho hata jimweri jiseinjiro andu kwaro, kwa kukaia ndekoremanyireghe ngelo Mlungu orechieghe kukukira anduangi.”

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

ISAYA 44:18

Wandu awo ndewiichi ilagho jingi, hata ndewimanyagha; kwa kukaia meso ghabwaghilo wisewone, na akili rawo rafue ndewitambukilwagha.

WAEBRANIA 3:7

Kwa huwo, seji Roho Mweli ughambagha, “Idime, ngera mwalusikira lwaka lwake,

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

ZABURI 32:6

Kwa huwo kula mundu ukuobuagha, ndelombe kwako; iji wasi ghwamchea sa machi mengi, ndeghuchaamvikia.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

LUKA 19:41

Nao iji wavika kaavui na ghuja muzi na kughuwona ukaghulilia,

LUKA 19:43

Angu matuku ghichacha, na wamaiza wako wichakurighia, wikumarie na kukutangala chia rako rose.