LUKA 19:26 - Biblia Ilagho Jiboie Kwa Wandu Wose

²⁶ Ukatumbulia, ‘Namghoria, uo ose uko nacho uchanekwa nyingi, ela uo usewadie, uchasokwa hata icho uko nacho.

LUKA 19:26 Referans Kwoze

2 JOHANE 1:8

Mkuzighane mmbeni, eri mselaghashe icho morechidumikieghe, ela mpate mafungu ghikatie.

LUKA 8:18

Kwa huwu, mkumanye seji msikiragha, angu uo uko nacho uchanekwa, sena uchachurilwa, ela uo usewadie, uchasokwa hata icho uririkanyagha oko nacho.”

MATHAYO 21:43

“Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [

MATHAYO 13:12

Angu uo uko na kindo chimu uchanekwa sena uchachurilwa, ela uo usewadie kindo chingi uchasokwa hata icho uko nacho.

MARKO 4:25

Angu uo uko na kilambo chimu, uchanekwa; ela uo usewadie, uchasokwa hata icho uko nacho.”

WUFUNUO 2:3

Namanya angu kwawuyarumaghia luma kwa wundu ghwapo hata ndekusilwagha ni ndighi.

1 SAMUELI 15:28

Samueli ukamzera Sauli “BWANA waghurashua wuzuri ghwa Israeli kufuma kwako idime, na kughuneka mmbenyu uko mucha kukuchumba.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

WUFUNUO 3:11

Niacha shwa-shwa, maziria icho kuko nacho, mndungi usechekusoka kirumbu chako.

LUKA 16:3

Uja mnyapara ukaririkanya ngolonyi kwake, ‘Nibonya wada e hoku bwana wapo wanifunya kazi ya wunyapara? Ndighi relima siwadie, kulomba-lomba nako niafwa waya.

2 SAMUELI 7:15

Ela sichaainja lukundo lwapo kwake seji nerebonyereghe kwa Sauli, uo neremuinjireghe ima ngakuwika oho.

MABONYO GHA WADUMI 1:20

“Angu yaandikilo chuonyi cha Zaburi: ‘Nyumba yake ndeisigho nduu, hata mndungi usewoneke okaia andenyi yaro;’ na wokoni, ‘Kazi yake iwado ni mundu mzima.’

ZABURI 109:8

Matuku ghake ndeghisie shwa-shwa; na mundu mzima ndewade wulalo ghwake!

LUKA 19:25

Wikamzera, ‘Bwana, e uo uko na feza ikumi-e!’