LUKA 19:10 - Biblia Ilagho Jiboie Kwa Wandu Wose

¹⁰ Angu Mwana wa Mdamu orechieghe kulola na kukira icho cherelagharieghe.”

LUKA 19:10 Referans Kwoze

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

WAROMA 5:6

Iji derekoghe disewadie ndighi, kwa ngelo yaro cheni, Kristo orefueghe kwa wundu ghwa wawiwi.

MATHAYO 15:24

Jesu ukamtumbulia, “Ini nededumwa tu kwa wandu wa Israeli wilagharie sa ng'ondi.”

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

MATHAYO 10:6

Ela muwighendie wandu wilagharie sa ng'ondi wa Israeli.

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

MATHAYO 18:11

Angu Mwana wa Mdamu odeecha kukira icho cherelagharieghe.]

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

LUKA 15:8

“Angu ni muka uao uko na shilingi ikumi, ukalaghasha imweri, usekoragha taa na kufwagia nyumba na kuilola nicha hata uiwone?