LUKA 18:13 - Biblia Ilagho Jiboie Kwa Wandu Wose

¹³ Ela uja mmbwadi wushuru ukakaia kula koni, nao nderekundieghe hata kuwusira meso ghake cha mlungunyi, ela ukakukaba-kaba moni laghenyi kwake ukighamba, ‘Ee Mlungu, kunifue wughoma ini mundu wa kaung'a.’”

LUKA 18:13 Referans Kwoze

EZRA 9:6

ngighamba: “Ee Mlungu wapo, nafwa waya nandighi, hata sifwane kuwusira wushu ghwapo cha kwako. Kaung'a redu rajoka ighu kuchumba vongo vedu, na mawiwi ghedu ghajoka hata mlungunyi.

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;

ZABURI 41:4

Nereghambieghe, “Nakubonyere kaung'a ee BWANA, kuniwonie wughoma, kuniboise.”

LUKA 23:48

Na izungu jose ja wandu werekoghe kimusi wikizighanira, wimeria kuwona agho gherebonyekieghe, wikaghala cha mzinyi wikikukaba-kaba laghenyi kwa wasi.

WAEBRANIA 8:12

Angu nichawifuya wughoma makosa ghawo, na kaung'a rawo sichaarikumbuka sena anduangi.”

MABONYO GHA WADUMI 2:37

Nao iji wereghisikireghe agho, wikadungwa ngolonyi kwawo wikamzera Petro na wadumi wambao, “Dibonya wada wanidu?”

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAROMA 5:8

Ela Mlungu wawonyera seji udikunde, angu hata iji derekoghe dikikaia kaung'enyi Kristo orefueghe kwa wundu ghodu.

LUKA 5:8

Ela iji Simoni Petro orewonieghe agho, ukamdungia Jesu ngokoro ukighamba, “Kaia kula nani, angu ne mundu wa kaung'a ee Bwana.”

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

ZABURI 25:11

Kunifuye wughoma kaung'a rapo nyingi ee BWANA kwa wundu ghwa irina jako.

AYUBU 42:6

Nakumenya ini moni, na kuhea ngisea kidombo aterinyi na ivunyi.”

2 WAKORINTHO 7:11

Wonenyi seji uku kuwawa komzighana Mlungu kumredie kufunga ndighi andenyi konyu; kwa kukuelesha, kwa kuwawa ni ngolo, kwa kuobua, kwa kukunda, kwa kukufunya, na kufunya adhabu. Mwakuwonyere mmbeni kukaia wandu msewadie ikosa jingi kwa kula chia aighu ya maza iro.

ZABURI 25:7

Kusakekumbuka kaung'a na makosa gha wudawana ghwapo ee BWANA; kunikumbuke kwa wucha ghwako kunughana na lukundo lwako lukatie.

MATHAYO 9:13

Ghendenyi mkufundishe kutambua kwaro malagho agha: ‘Neekunda wughoma si kizongona kungi.’ Serechieghe kuwiwanga wandu wecha anduangi, ela wandu wa kaung'a.”

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

LUKA 17:12

Hata iji orengirieghe mzinyi, ukakwana na wandu wa womi ikumi wiko na sima,

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

ZABURI 130:7

Ee Israeli, mrumirie BWANA, angu oko na lukundo lukatie nao toe wadakunda kukira.

ZABURI 119:41

BWANA, niwonyere seji kunikunde; kunikire kunughana na ilaghiro jako.

ZABURI 106:6

Dabonyere kaung'a sa weke wawa; dakosere, dikabonya mawiwi.

ZABURI 40:12

Namarwa chia rose ni wasi mungi ghusetalikagha; kaung'a rapo ranichumba ndighi, sidimagha kuwona; rakaia nyingi kuchumba mtalo ghwa iridia japo, nani nafwa ngolo.

2 MALAGHO GHA NGELO 33:23

Hata nderekuserieghe imbiri ya BWANA seji ndee Manase orebonyereghe. Ela uo Amoni orechurieghe kungia makosenyi kuchumba.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

2 SAMUELI 12:13

Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

MATHAYO 10:3

Filipo na Bartholomayo, Tomasi na Mathayo orekoghe mmbwadi wushuru, Jakobo mwana wa Alfayo na Thadayo;

MARKO 11:25

Nenyo iji mwakaia kimusi mkilomba, fuenyi wughoma ikakaia mkosane ilagho jingi na mndungi, niko na Ndeyo onyu uko mlungunyi uchamleka inyo makosa ghenyu. [

LUKA 22:41

Nao ukawisigha ukaghenda sa wukula ghwa kukumba igho, ukadunga ngokoro ukalomba ukighamba,

KUFUMA 33:10

Wandu wose wikameria kuwona ija nguro ya iwingu yamanga mnyangonyi ghwa Hema, werekoghe wikiwuka kimusi na kutasa, kula mundu hemenyi kwake.