LUKA 18:1 - Biblia Ilagho Jiboie Kwa Wandu Wose

¹ Niko Jesu ukawighoria wanughi wake mfwano ughu ghuwonyeragha kukaia yawifwana kufunga ndighi kulomba Mlungu, hata wisefo ngolo.

LUKA 18:1 Referans Kwoze

WAKOLOSAI 4:2

Duonyi mkilomba kwa kufunga ndighi, na kucheresha andenyi yaro, mkifunya chawucha.

WAROMA 12:12

Boilonyi andenyi ya isuwirio jenyu, rumaghienyi wasi, lombenyi Mlungu tulituli.

1 WATHESALONIKE 5:17

lombenyi tulituli,

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

JEREMIA 29:12

Niko aho mchaniwanga, mchacha na kunilomba; nani nichasikira.

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

ZABURI 86:3

Kuniwonie wughoma ee BWANA, angu nakulilia dime dii.

ZABURI 102:17

Uchawisikiria wandu wake wisighilo, na kusikira malombi ghawo.

2 WAKORINTHO 4:1

Kwa huwo, angu diko na ughu wudumiki kwa wughoma ghwa Mlungu, ndedifwagha ngolo kungi.

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

JONA 2:7

Iji nerekoghe ngidumbuka, nerekukumbukieghe; ilombi japo jikakuvikia andenyi ya Hekalu yako ya wueli.

ZABURI 65:2

Oho kusikiragha malombi, wandu wose wichakuchea,

ZABURI 27:13

Neko na irumirio kukaia nichaghuwona wucha ghwa BWANA niko moyo.

ISAYA 40:31

ela awo wimmbeseragha BWANA wichapata ndighi mbishi, wichajoka kwa mawawa sa indu, wichakimbia nawo ndewichaasilwa, wichaghenda kuseko na kudumbuka anduangi.

ISAYA 62:7

hata msemsighe BWANA uhore, hata wameria kuimangisha Jerusalemu, na kuibonya ikaie ekaswa ndoenyi.

1 SAMUELI 1:12

Hata iji Hana orekoghe ukimlomba BWANA, Eli ukakaia ukiizighana memu yake.

LUKA 11:10

Angu kula mundu ulombagha wadanekwa, na uo ulolagha wadawona, na uo ukongodagha wadarughuilwa.