LUKA 16:23 - Biblia Ilagho Jiboie Kwa Wandu Wose

²³ Wokoni uja mzuri ukafwa, ukarikwa, nao uko matirironyi kwa wafu, ukammbona Lazaro kula koni uko kaavui na Abrahamu.

LUKA 16:23 Referans Kwoze

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

LUKA 16:28

angu neko na wanidu wa womi wasanu, ughende uwionye wisechecha andu aha kwa matiriro.’

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

MATHAYO 18:9

Ngera iriso jako jakushekeria kubonye kaung'a, kujide noko; ikaia baa oho kungie iranginyi kifondo, kuchumba kukaia na meso awi, nao kukumbo jehanamunyi ya modo.

ZABURI 9:17

Wawiwi; awo wandu wose wimliwagha Mlungu, wichaghenda Andu kwa Wafu.

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.

LUKA 8:28

Nao iji wammbona Jesu, ukakema na kughwa imbiri kwake, na kughamba kwa lwaka lubaa, “Kwakunde kunibonya wada Jesu Mwana wa Mlungu Uo-Uko-Aighu-Nandighi? Nakuvoya kusenitirire.”

MATHAYO 5:29

Idana ngera iriso jako ja kiwomi jiakushekeria kungie kaung'enyi kujikuo kujide noko. Ni nicha kulaghasha kia chimu chako kuchumba mumbi ghwako ghose kukumbwa jehanamunyi.

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

ISAYA 14:15

Ela kwaserwa hata Andu kwa Wafu, kwaserwa Kinenyi chiko ndenyi.

ISAYA 14:9

Andu kwa Wafu kwawuka kukwana na oho, ngelo kwaghenda aho ee Mzuri wa Babuloni; kwarinyavura roho ra awo wifue wikuroghuo. Awo wose werekoghe vilongozi va ndoenyi, kwawiwusira kufuma vifumbinyi vawo va nguma, awo wose werekoghe wazuri wa iro mbari ra wandu.

1 WAKORINTHO 15:55

“Kusima kwako koko hao ee Kifwa? Luvia lwako loko hao ee kifwa?”

MATHAYO 11:23

Na oho Kafarnaumu, kookunda kujoswa kuvike mlungunyi? Kuchaserwa hata jehanamunyi. Angu ngera weke mwakilimbiti werebonyeroghe kwako, wedebonyerwa Sodoma, kumangu muzi ugho ghwaduagha hata linu.

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

MAKATANISHO 15:24

Chia ya mundu wa hikima, yadalongoza nokoighu cha iranginyi; usechesea nokondonyi cha Andu kwa Wafu.

MAKATANISHO 9:18

Ela wandu waro ndewimanyagha kukaia wikangia nyumbenyi kwake wiafwa; waghenyi wake wingirie aho, weeka konndonyi Andu kwa Wafu.

MAKATANISHO 7:27

Nyumba yake ni chia eghenda cha Andu kwa Wafu; ilongozagha cha kifonyi.

MAKATANISHO 5:5

Uo wadaghenda cha kifonyi, na chia rake radalongoza cha Andu kwa Wafu.

ZABURI 86:13

Oho kwanikunde nandighi; Kwanikirie na kifwa.

ZABURI 49:15

Ela Mlungu uchanikombua kufuma kwa ndighi ra kifwa, angu uchanidwa cha kwake.

ZABURI 16:10

Kwa kukaia ndekunisighagha nikaie Andu kwa Wafu, hata kumsigha Mweli wako uwone kuwoa kungi.

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’