LUKA 16:11 - Biblia Ilagho Jiboie Kwa Wandu Wose

¹¹ Idana ngera mserekoghe waloli kwa mali risene hachi ra ndoenyi, nani uchaamrumiria kwa mali ra loli?

LUKA 16:11 Referans Kwoze

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

LUKA 16:9

“Nani namzera, mkubonyere mmbeni waghenyi kwa chia ya mali risene hachi ra ndoenyi, hata iji rasia, wipate kumkaribisha kwa malalo gha kala na kala.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

LUKA 16:12

Na ngera mseko wa loli kwa mali ra wandu wazima, nani uchaamneka iro riko renyu?