LUKA 16:1 - Biblia Ilagho Jiboie Kwa Wandu Wose

¹ Nao Jesu ukawizera wanughi wake sena, “Korekoghe na mundu umu mzuri, nao orekoghe na mnyapara wake, ela ukakaia ukiredelwa mashitaka aighu yake sa iji orekoghe ukinona mali rake.

LUKA 16:1 Referans Kwoze

1 PETRO 4:10

Kula mundu ndetumie ijo inosi orejipatireghe kwa wundu ghwa fwaida ya mmbao, sa mzighaniri mucha wa mvono mzima-mzima ghwa Mlungu.

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

JAKOBO 4:3

Mwalomba ela ndempatagha, angu mwaawuyalomba kisha, mpate kuvitumia kwa bea renyu.

TITO 1:7

Angu mzighaniri wa ikanisa sa mdumiki wa Mlungu, suti ukaie mundu usewadie ikosa jingi; usekaie ukukasire, angu ojokwa ni machu shwa-shwa, angu mmbongeri, angu mundu otumia ndighi, angu iriso ja fwaida isefwanagha.

LUKA 15:30

Ela uendacha uhu mwanwako unonie mali rako na malaya, uo kwam'bwaghia ija ngache ibandie!’

LUKA 15:13

Nyuma ya matuku matini, uja mtini ukakwanya vose orekoghe navo, ukadamba cha isanga ja kula; na aja ukatumia pesa rake kwa maza ra kisha-kisha.

LUKA 19:20

Ukacha mdumiki mzima ukaghamba, ‘Bwana feza yako hei, nereifungieghe na kitambaa ngaivisa; kwa kukaia

MAKATANISHO 18:9

Mundu uko mghadi kwa kazi yake, oofwanana na uo unonagha.

LUKA 16:19

“Korekoghe na mndumu mzuri urwae nguwo ra zambarau na kitani iboie, ukija manori na maseko matuku ghose.

LUKA 8:3

na Joana mkake Kuza, m'baa wa kazi wa Herode, na Susana, na wazima wengi werekufunyireghe kumdumikia kwa mali rawo.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

1 MALAGHO GHA NGELO 28:1

Mzuri Daudi ukawikwanya wabaa wose wa Israeli Jerusalemu. Kwa huwo wabaa wose wa vichuku, wabaa wose weredumikagha kazi ra wazuri, vilongozi va vinyumba, na wazighaniri wa mali na mfugho ra mzuri, na wabaa wose wa ngome ya mzuri wikakwanyika Jerusalemu.

KUZOYA 43:19

Wikamghendia mdumiki wa nyumbenyi wa Josefu, wikadedanya nao mnyangonyi ghwa nyumba wikighamba,

KUZOYA 15:2

Ela Abramu ukaghamba, “Ee BWANA Mlungu, kuninekaki, nani siwadie wana; mundu oja ifwa japo ni uhu Eliezeri Mdamasko?”

MATHAYO 20:8

“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’

LUKA 16:2

Ukammbanga na kumzera, ‘Ni malaghoki agha nawuyasikira aighu yako? Niredie mtalo ghwa wunyapara ghwako; angu ndekuchaakaia mnyapara sena.’