LUKA 15:22 - Biblia Ilagho Jiboie Kwa Wandu Wose

²² Ela ndee ukawizera wadumiki wake, ‘Redenyi shwa-shwa ija nguwo iboie kuchumba mumrushe, sena mumngire pete chalenyi kwake, na vadu maghunyi kwake.

LUKA 15:22 Referans Kwoze

WUFUNUO 6:11

Niko kula umu orenekeloghe nguwo ndacha ya chokwa, wikazerwa wichurie kuhoresha katini, hata mtalo ghukate ghwa wadumiki wambao, na waruna awo werekoghe wibwagho sa awo weni.

ESTA 8:2

Mzuri ukafunya pete yake ya mhuri, iyo oremsokieghe Hamani, ukamneka Mordekai. Esta nao ukamneka Mordekai nguma aighu ya mali ya Hamani.

KUZOYA 41:42

Niko Mzuri ukaifunya pete ya muhuri kufuma chalenyi kwake, ukamngira Josefu chalenyi kwake, ukamrusha na marwao ghiboie gha kitani wori, na mkufu ghwa dhahabu singonyi kwake.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ESTA 3:10

Nao mzuri ukaifunya pete yake ya muhuri, uitumiagha kwa kukaba matangazo ghake, ukamneka Hamani mwana wa Hamedatha, wa kivalwa cha Agagi, m'maiza wa Wayahudi.

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

WUFUNUO 7:9

Nyuma ya agho, nerezighanireghe ngawona izungu ibaa nandighi ja wandu, mndungi usedimagha kujitala; jerefumieghe kula mbari, na kula kichuku, na wandu, na viteto, jikikaia kimusi imbiri ya icho kifumbi cha nguma na imbiri ya uo Mwana wa Ng'ondi, jirwae nguwo ra chokwa, wiko na maghangachi mikonunyi kwawo,

WAROMA 8:15

Kwa kukaia ndemorewusireghe Roho wa wuzumba sena um'bonyagha kuobua, ela morewusireghe Roho um'bonyagha kukaia wana wa Mlungu, udidimishagha kummbanga, “Abba! Aba.”

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WAGALATIA 3:27

Kwa kukaia inyo mmbose m'baputiziro andenyi ya Kristo, moomrwa Kristo.

WAROMA 13:14

ela Bwana Jesu Kristo ukaie irwao jenyu; hata msakeghubonyera mumbi wulalo ghokatisha bea raro.

LUMBO 7:1

Maghu ghako ghaghokie saki iji kwangira sapata ee mwai wa mzuri! Bara rako reeumbika niing'icha seji reebonywa ni fundi.

ZABURI 132:9

Wakohani wako ndewibonye gha hachi, na waeli wako wibore kwa kuboilwa.

ZABURI 45:13

Mwai wa mzuri oko chumbenyi kwake upambilo nicha, marwao ghake gheelukwa na uzi wa dhahabu;

ZABURI 18:33

Oreghibonyereghe maghu ghapo ghikaie ghimange sa gha sarigha, na kuniwika banana aighu mghondinyi.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

WAEFESO 6:15

na kuja kukaia tayari kwa kueresha Ilagho Jiboie ja sere sa vadu maghunyi konyu.

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

ZABURI 132:16

Nichawirusha wakohani waro kukia, na waeli waro wichabora kwa kuboilwa.

WUKUMBUSO 33:25

Mbenge ra mizi yake rederughwagha na vuma, matuku ghose odekaiagha banana.”

LUKA 15:21

“Uja mwana ukamzera, ‘Aba, nabonyere kaung'a imbiri ya Mlungu na imbiri kwako, hata sifwane ini kuwangwa mwanwako anduangi.’

LUKA 15:23

Sena mrede ija ngache ibandie muibwaghe, dipate kuja na kubonya maseko.