LUKA 14:12 - Biblia Ilagho Jiboie Kwa Wandu Wose

¹² Niko Jesu ukamzera uja oremkaribishireghe, “Iji kwabonya karamu ingi, kusakewiwanga waghenyi wako, angu wanyinyu, angu wandu wa kichuku chako, hata wambenyu wiko na mali, isechekaia nawo weni kukukaribisha nao kupate malipo ghako.

LUKA 14:12 Referans Kwoze

MATHAYO 5:46

Welee, mchapata inosi jiao kwa kuwikunda awo wimkundagha inyo, ikakaia hata na wawadi wushuru wadabonya wokoni?

MAKATANISHO 22:16

Mundu umkorongagha mkiwa eri upate kufugha, angu kuneka wazuri wa mali manosi, uchawuya mkiwa.

MAKATANISHO 14:20

Mkiwa ndekundwagha hata ni mumzawo moni, ela mzuri wa mali oko na waghenyi wengi.

LUKA 1:53

Awa wiko na njala wawighudisha na vindo vicha, na wazuri wawisigha mikonu miduu.

LUKA 1:58

Wambao na wakwawo wikasikira seji Bwana um'bonyere wughoma na kum'bonyera nicha na ndighi, nawo wikaboilwa chiaimweri nao.

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 14:13

Ela iji kwabonya karamu, kuwange wakiwa, watighini, wakelemeri, na vitungure;

2 WAKORINTHO 6:13

Nenyo wori, (niaghora nenyo sa wanake,) kuchuonyi ngolo renyu wokoni.