LUKA 14:1 - Biblia Ilagho Jiboie Kwa Wandu Wose

¹ Ituku jimu ja Sabato, Jesu oreghendieghe kuja vindo nyumbenyi kwa m'baa umu wa Mafarisayo, na wandu werekoghe wikimzighanira.

LUKA 14:1 Referans Kwoze

MARKO 3:2

Na wandu wamu wikamzighanira ngera um'boisa ituku ja Sabato, eri wipate kumshitakia.

LUKA 20:20

Kwa huwu wikakaia wikilola ngelo ifwane, wikammbikia washeki wemzighanira, wikubonyagha weni kukaia waloli kwa Jesu, wipate ilagho jingi kwake jemshitakia kwa wabaa wa serikali.

LUKA 11:37

Jesu uendameria madedo agho, Mfarisayo umu ukamkaribisha uje vindo nyumbenyi kwake, nao ukaghenda na kusea kidombo mezenyi.

ZABURI 62:4

Mookunda tu kumuinjira ishima jake. Mwadaboilwa ni kughora tee, Mwadarasimia kwa memu yenyu, ela kondenyi mwadawasira njowe.

ZABURI 41:6

Na iji mndumu wachanizighana, wadadeda malagho gha duu; wadadwa malagho ghizamie aighu yapo, na iji wafuma, wadaghenda ukighighora noko.

LUKA 6:7

Na walimu wa Sharia na Mafarisayo werekoghe wikimlangaria ngera uboisa ituku ja Sabato, wipate shekeria emshitakia.

MAKATANISHO 23:7

Wadima kukuzera kuje, kunyo; ela ngolo yake ndeikwanye na oho; ni muji kuwi.

ZABURI 37:32

Mundu mmbiwi wadamlaliria mhachi, nao wadalola kum'bwagha.

JOHANE 3:1

Korekoghe na mndumu m'baa wa Wayahudi, Mfarisayo uwangwagha Nikodemo.

MABONYO GHA WADUMI 5:34

Ela Mfarisayo umu uwangwagha Gamalieli, nao ni mwalimu wa Sharia, unekelo ishima ni wandu wose, ukawuka kimusi na kufunya momu waja wandu wifunyo shighadi kutini.

MATHAYO 12:12

Idana mundu wachumba ng'ondi saki? Kwa huwo ni hachi kubonya ilagho icha ituku ja Sabato.”

LUKA 14:2

Nao ukacha mundu imbiri kwake uko na saka ya mavunde;

LUKA 17:20

Nao iji wakotelwa ni Mafarisayo ngelo ra kucha kwa Wuzuri ghwa Mlungu, ukawitumbulia, “Wuzuri ghwa Mlungu ndeghuchagha kwa kulangarilwa;