LUKA 13:17 - Biblia Ilagho Jiboie Kwa Wandu Wose

¹⁷ Uendaghora huwo, wamaiza wake wose wikafushwa waya, na wandu wose wikaboilwa kwa wundu ghwa iro maza ndicha rose Jesu oreribonyereghe.

LUKA 13:17 Referans Kwoze

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

ZABURI 132:18

Nichawifusha waya wamaiza wake, ela wuzuri ghwake ghuchachurikia na kuwona nicha.”

2 TIMOTHEO 3:9

Ela ndewichaaghenda kula, angu wukelu ghwawo ghuchawonwa ni wandu wose, seji ghwa Jane na Jambre ghorewonekieghe.

MABONYO GHA WADUMI 4:21

Nawo wiendawizera malagho ghewikumba wowa, wikawifungua. Wikasowa chia ingi ewitirira, angu wandu wose werekoghe wikimkasa Mlungu kwa iro maza rerebonyekieghe.

LUKA 20:40

Nawo ndeweredimieghe sena kumkotia ilagho jingi anduangi.

LUKA 19:48

Ela wikasowa chia ingi ebonya, angu wandu wose werekoghe wikimsikiria kwa loli, wisekunde kuidwa ni ilagho jingi.

LUKA 18:43

Nao shwa wori ukawona, ukamnugha ukimneka Mlungu wubaa; na wandu wose iji werewonieghe agho wikamkasa Mlungu.

LUKA 14:6

Nawo ndeweredimieghe kumtumbulia anduangi.

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ZABURI 111:3

Kazi yake yachua ishima na wubaa, na hachi yake yadua kwa kala.

ZABURI 109:29

Washitaki wapo ndewiinjiro ishima, wiro waya ghwawo sa ikoti.

ZABURI 40:14

Awo wikundagha kunibwagha, ndewifusho waya na kukambirwa chongo; na awo wiboilwagha ni kunoneka kwapo, ndewiwunjo nyuma na kunonelwa ishima.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

TITO 2:8

kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.