LUKA 13:16 - Biblia Ilagho Jiboie Kwa Wandu Wose

¹⁶ Na muka uhu nao ni wa kivalwa cha Abrahamu, Shetani umfungie miaka ikumi na wunyanya, ndeifwaneghe ufungulo ituku ja Sabato anguwada?”

LUKA 13:16 Referans Kwoze

MARKO 2:27

Niko ukawizera, “Sabato erewikiloghe kwa wundu ghwa wadamu, ela si wadamu kwa Sabato anduangi.

2 TIMOTHEO 2:26

nyuma ya kuwiwada na kuwibonya wifufunuke ugho mdegho ghwa Ibilisi, wipate kubonya lukundo lwa Mlungu.

MABONYO GHA WADUMI 13:26

“Wanidu, wana wa kichuku cha Abrahamu, nenyo mmbose mumuobuagha Mlungu; ilagho iji ja kukia jederedwa kodu.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

LUKA 19:9

Jesu ukamzera, “Idime kukia kwaichea nyumba ihi, kwa kukaia mundu uhu wori, ni wa kivalwa cha Abrahamu.

LUKA 3:8

Idana bonyenyi maza rifwananagha na uko kuhea konyu, hata msakeghora wei, ‘Deko na aba odu Abrahamu:’ angu namzera, Mlungu wadima kumfunyira Abrahamu wana kufuma kwa magho agha!

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’

ZABURI 107:14

Ukawifunya wasinyi andenyi ya kira kibaa, na kudumbua minyororo yawo vipande vipande.