LUKA 12:21 - Biblia Ilagho Jiboie Kwa Wandu Wose

²¹ Ni huwo koni kwa uo ukuwikiagha moni mali, useko na mali ingi kwa Mlungu anduangi.”

LUKA 12:21 Referans Kwoze

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

HABAKUKI 2:9

Ni bugha kwako kuredagha mali ra wuwiwi nyumbenyi kwako na kwa iro kutima kuwika muzi ghwako nicha ghusepato ni mawiwi.

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

LUKA 16:11

Idana ngera mserekoghe waloli kwa mali risene hachi ra ndoenyi, nani uchaamrumiria kwa mali ra loli?

LUKA 6:24

Ela ni bugha konyu inyo muko na mali, angu mwameria kupata wuhoreshi ghonyu.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

MAKATANISHO 13:7

Mndumu uakubonya mzuri wa mali, usewadie kindo chingi; umu uakubonya mkiwa, sena uko na mali nyingi.

1 TIMOTHEO 6:9

Na wandu wikunde kukaia na mali, waghwa na kungia matimonyi; wangia mdeghonyi, na andenyi ya bea nyingi ra ndengwa risewadie akili, iro riwinonagha, na kuwitotesha wandu.