LUKA 11:8 - Biblia Ilagho Jiboie Kwa Wandu Wose

⁸ Namghoria, hata ngera saki ndekunde kuwuka umneke kindo chingi, angu wei ni mghenyi wake, ela angu wafunga ndighi kumlomba kuseko waya, loli uchawuka na kumneka vose ukundagha.

LUKA 11:8 Referans Kwoze

KUZOYA 32:26

Uja mundu ukamzera, “Nisighe nighende angu ndoe yaawuyaela.” Ela Jakobo ukaghamba, “Kusaanirasimia sikusighagha.”

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

WAROMA 15:30

Namvoya wanidu kwa wundu ghwa Bwana odu Jesu Kristo, na kwa wundu ghwa lukundo lwa Roho, mfunge ndighi andwamweri nani kwa malombi ghenyu. Dimlombe Mlungu kwa wundu ghwapo,

WAKOLOSAI 2:1

Angu nakunde mmanye seji nawuyafunga ndighi kwa wundu ghonyu, na kwa wundu ghwa wandu wa Laodikea, na awo wose wiseniwonie jingi;

2 WAKORINTHO 12:8

Neremlombieghe Bwana mando adadu kwa wundu ghwa ilagho ijo, ngikunda jiniinjikie;

LUKA 11:7

Nao moni kondenyi umtumbulie umzere, ‘Kusakenijisha wasi, mnyango ghwameria kurughwa, nani na wana wapo dameria kulala. Sidimagha kuwuka nikuneke kindo chingi.’

WATANYI 14:17

Nao ukalila imbiri kwake kwa matuku mfungade gha iyo karamu yawo; na kwa ituku ja mfungade ukamghoria, angu orekoghe ukimziziria na ndighi. Niko uo muka ukawighoria wandu wa mzawo iyo ndawi na kutambua kwaro.

1 SAMUELI 1:12

Hata iji Hana orekoghe ukimlomba BWANA, Eli ukakaia ukiizighana memu yake.