LUKA 11:41 - Biblia Ilagho Jiboie Kwa Wandu Wose

⁴¹ Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

LUKA 11:41 Referans Kwoze

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

TITO 1:15

Vindo vose vaelie kwa uo uelie, ela ndekuwadie kindo chingi chielie kwa mundu mmbiwi userumiriagha; kwa kukaia akili na nia rawo reenoneka.

WAEBRANIA 13:16

Msakesigha kubonya nicha, na kuwaghiana icho muko nacho; angu vizongona sa ivo vam'boia Mlungu.

MABONYO GHA WADUMI 10:15

Lwaka lukamchea indo ja kawi lukighamba, “Icho Mlungu uchieleshere oho kusechiwange cha wuchafu.”

LUKA 16:9

“Nani namzera, mkubonyere mmbeni waghenyi kwa chia ya mali risene hachi ra ndoenyi, hata iji rasia, wipate kumkaribisha kwa malalo gha kala na kala.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 14:31

Mundu umkorongagha mkiwa, uamdukana Muumbi wake, ela uhu ummboniagha wughoma, wadam'bonyera Mlungu ishima.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

MATHAYO 5:42

Uo ukulombagha kumneke, na uo ukunde kukukopa kusakemleghia.

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

ZABURI 41:1

Warasimilwa uo mundu umtalagha mkiwa; BWANA uchamkira ngelo ya wasi.

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

MABONYO GHA WADUMI 11:29

Wanughi wikawona nicha wiwidumie wutesia waruna werekoghe wikikaia Judea kula umu seji udimagha;

MATHAYO 26:11

Mokwanye na wakiwa matuku ghose, ela ini sichakaianya na inyo matuku ghose anduangi.

MABONYO GHA WADUMI 24:17

“Nyuma ya kukaia kula kwa miaka milazi, nerechieghe ngiwiredia wandu wa mbari yapo makuwio na mafunyo.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MARKO 7:19

angu ndechingiagha ngolonyi anduangi, ela kifunyi kwake, sena chiaida noko choronyi?” Kwa kughora huwo, Jesu ukaelesha vindo vose.