LUKA 1:72 - Biblia Ilagho Jiboie Kwa Wandu Wose

⁷² uwibonyere wughoma orewilaghirieghe weke aba, kwa kujikumbuka ilaghano jake ja wueli.

LUKA 1:72 Referans Kwoze

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

MIKA 7:20

Kuchawonyera wuloli na lukundo lwako lukatie kwa wandu wako, icho kivalwa cha Abrahamu na Jakobo sa iji korelaghirieghe kwa weke aba kufuma kala.

WALAWI 26:42

niko na ini nichaakumbuka ilaghano japo nerejibonyereghe na Jakobo, Isaaka, na Abrahamu; nani nichajimangisha ilaghano japo sena, na kuwineka wandu wapo isanga.

WAROMA 11:28

Kunughana na Ilagho Jiboie, Wayahudi wakaia wamaiza wa Mlungu, kwa wundu ghonyu inyo wandu wa mbari zima; ela kunughana na kusaghulwa, awo wakaia wakundwa kwa wundu ghwa weke wawa wawo.

EZEKIELI 16:60

elaima nichajikumbuka ilaghano japo nerejibonyereghe na oho ngelo ya wanake ghwako; nani nichajimangisha jiwuye ilaghano ja kala na kala.

KUZOYA 28:14

na kivalwa chako chichakaia kingi sa teri ya ndoenyi, na oho kuchaera cha magharibi, mashariki, kaskazinyi na kusinyi. Na kwako oho na kivalwa chako, mbari rose ra ndoenyi richanilomba irasimio.

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

ZABURI 111:5

Wadawineka vindo awo wimuobuagha, nao jingi ndeliwagha ilaghano jake.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

KUZOYA 12:3

Nichawirasimia awo wichaakurasimia oho, nani nichawiwasira njowe awo wichaakuwasira njowe; na kwa oho mbari rose ra ndoenyi richarasimilwa.”

ZABURI 105:42

Orekumbukieghe ilaghiro jake ja wueli, kwa mdumiki wake Abrahamu.

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

1 MALAGHO GHA NGELO 16:16

Ilaghano orejibonyereghe na Abrahamu, ijo ilaghiro oremghemieghe Isaaka;