LUKA 1:66 - Biblia Ilagho Jiboie Kwa Wandu Wose

⁶⁶ na awo wose wereghisikireghe wikaghiwika ngolonyi kwawo wikighamba, “Mwana uhu uchakaia mundu ufwane wada?” Angu mkonu ghwa ndighi ra Bwana ghorekoghe andwamweri nao.

LUKA 1:66 Referans Kwoze

MABONYO GHA WADUMI 11:21

Na ndighi ra Bwana rerekoghe andwamweri nawo, wandu wengi wikarumiria na kumghalukia Bwana.

LUKA 2:51

Nao ukaghendanya nawo hata Nazareti, ukakaia ukiwisikira, na mae ukaghiwika malagho agho ghose ngolonyi kwake.

LUKA 2:19

Ela Maria ukaghiwika agho malagho ukighiririkanya ngolonyi kwake.

KUZOYA 39:2

BWANA ukakaia andwamweri na Josefu, ukawona nicha kwa ghose oreghibonyereghe; nao ukakaia nyumbenyi kwa uja bwana wake Mmisri.

LUKA 9:44

“Deghenyi madu msikire agha malagho nicha; Mwana wa Mdamu uchafunywa mikonunyi kwa wandu.”

LUKA 2:40

Nao uja mwana ukazoghua na kukaia na ndighi, uchuagha hikima; na mvono ghwa Mlungu ghorekoghe aighu kwake.

LUKA 1:80

Nao uja mwana ukazoghua, na kukaia nandighi rohonyi kwake; ukakaia kireti, hata ituku ucheewoneka worinyi kwa wandu wa Israeli.

ZABURI 119:11

Najiwikie Ilagho jako ngolonyi kwapo, nisechekubonyera kaung'a.

ZABURI 89:21

Uchakaia na ndighi rapo matuku ghose; wudimi ghwapo ghuchamneka ndighi.

1 WAZURI 18:46

Ndighi ra BWANA rikamchea Elija, ukakufunga nguwo rake kiwonunyi kwake, ukakimbia na kumuida Ahabu hata Jezreeli.

1 SAMUELI 16:18

Mndumu wa irika ukaghamba, “Ola nammbona mwana wa Jese M'bethlehemu, uichi kukaba kinubi loli loli; mundu uko ing'oni, uichi kulwa wuda, uichi kudeda kwa hikima; ni mundu ughokie, na BWANA oko andwamweri nao.”

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.

KUZOYA 37:11

ela ndee ukakaia ukighiririkanya agho malagho.

ZABURI 80:17

Kuwiwike na kuwilindia wandu korewisaghueghe, iyo mbari kuibonyere ikakaia na ndighi nyingi.

WAKOLOSAI 1:5

kwa wundu ghwa ijo isuwirio jiwikilo aighu mlungunyi kwa wundu ghonyu. Nenyo moresikireghe malagho gharo imbiri, andenyi ya ijo ilagho ja loli, ijo Ilagho Jiboie