LUKA 1:48 - Biblia Ilagho Jiboie Kwa Wandu Wose

⁴⁸ angu wanitala ini mzumba wake usefwane. Angu zighana kufuma idana vivalwa vose vichaniwanga mrasimilwa.

LUKA 1:48 Referans Kwoze

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

MALAKI 3:12

Niko aho mbari rose ra wandu wichammbanga warasimilwa kwa wundu ghokaia na isanga jiboie.

1 SAMUELI 1:11

Ukabonya ighemi ukighamba, “Ee BWANA wa majeshi, ngera loli kwadakumbuka na kughuzighana wasi ghwapo, hata kuseniliwe ini mdumiki wako, nao kunineke mwana wa womi, niko na ini nichamfunya na kukuneka oho BWANA matuku ghose gha irangi jake, nao ndechaarwa na shembe chongonyi kwake anduangi.”

LUKA 11:27

Nao iji Jesu waghora agho, muka umu izungunyi ukaghora kwa lwaka lubaa, “Charasimilwa kifu cherekuvaeghe na nyodo koreiongieghe.”

ZABURI 136:23

Oredikumbukieghe ingelo deresimiloghe; lukundo lwake lukatie lwadua kwa kala.

LUKA 1:42

ukaghamba kwa lwaka lubaa, “Kwarasimilo oho kuchumba waka wose, na uo mwana kuchaamva warasimilwa.

LUKA 1:28

Malaika ukamchea ukimzera, “Sere ndeikaie kwako oho kunekelo mvono, Bwana oko andwamweri na oho!”

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

2 SAMUELI 7:8

Kwa huwo kumzere mdumiki wapo Daudi huwu, ‘Nedekuwusa kukilisha ng'ondi mlambenyi, kupate kukaia kilongozi cha wandu wapo Israeli;

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.

KUZOYA 30:13

Lea ukaghamba, “Naboilwa na ndighi! Na waka wichaniwanga Maboilo.” Nao ukammbanga irina jake Asheri.

ZABURI 102:17

Uchawisikiria wandu wake wisighilo, na kusikira malombi ghawo.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

LUKA 1:45

Warasimilwa uo muka urumirie, angu agho ughorelo ni Bwana ghichakatishwa.”

LUKA 1:49

Angu Uo-Uwadie-Ndighi wanibonyera maza mbaa, na irina jake jaelie.