LUKA 1:16 - Biblia Ilagho Jiboie Kwa Wandu Wose

¹⁶ nao uchawighalusa wengi wa wana wa Israeli, wimghalukie Bwana Mlungu wawo.

LUKA 1:16 Referans Kwoze

MATHAYO 21:32

Angu Johane orechieghe ukimmbonyera chia ya hachi enugha, nenyo ndemoremrumirieghe anduangi, ela wawadi wushuru na malaya weremrumirieghe. Hata mduawona huwo saki, ndemoreherieghe na kumrumiria anduangi.”

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

LUKA 1:76

Na oho, mwanwapo, kuchawangwa mlodi wa Uo-Uko-Aighu-Nandighi, angu kuchamkiria Bwana kum'boisira chia yake;

DANIELI 12:3

Awo wa hikima wichang'ala-ng'ala sa kung'ala-ng'ala kwa mawingunyi; na awo wiwighaluagha wengi wiinughe hachi, wichang'alng'ala sa nyerinyeri kwa kala na kala.

LUKA 3:3

nao ukaghenda isanga jose ja Jordani, ukichilia wandu wihee na kubaputizwa, Mlungu upate kuwileka kaung'a rawo.