KUZOYA 26:3 - Biblia Ilagho Jiboie Kwa Wandu Wose

³ Kaia aeni aha sa mghenyi nani nichakaia andwamweri na oho na kukurasimia; kwa kukaia masanga agha ghose nichakuneka oho na kivalwa chako, nani nichakatisha ighemi japo nijibonyere na ndeyo Abrahamu.

KUZOYA 26:3 Referans Kwoze

KUZOYA 28:15

Ola neko andwamweri na oho kukuwika na kukulindia andu kose kuchaaghenda, nani nichakuwunja isanga iji; angu sichaakusigha hata nameria kujikatisha ijo nakulaghira.”

ZABURI 105:9

Ilaghano orejibonyereghe kwa Abrahamu, ijo ilaghiro oremghemieghe Isaaka.

KUZOYA 20:1

Kufuma aho, Abrahamu ukaghenda cha Negebu, ukakaia ghadi na ghadi ya Kadeshi na Shuri, ukakaia Gerari kwa ngelo ndini.

KUZOYA 17:8

Nani nichakuneka oho na kivalwa chako chose isanga iji kwawuyajikaia sa mghenyi, isanga jose ja Kanaani, jipate kuwuya jawo kwa kala na kala, na ini nichakaia Mlungu wawo.”

KUZOYA 15:18

Ituku ijo BWANA ukabonya ilaghano na Abramu ukighamba, “Kivalwa chako nachineka isanga iji, kufuma Moda ghwa Misri hata moda ghuja m'baa ghwa Eufrate,

KUZOYA 13:17

Wuka kujisele isanga wulacha na wushapa ghwaro, kwa kukaia nichakuneka oho.”

KUZOYA 13:15

angu isanga iji jose kujiwonagha, nichakuneka oho na kivalwa chako kwa kala na kala.

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

WAEBRANIA 11:9

Kwa irumirio, ukakaia ukimara-mara andenyi ya isanga ja ilaghiro sa isanga ja kighenyi, ukikaia hemenyi chiaimweri na Isaaka, na Jakobo; awo wandu wa ifwa andwamweri nao ja ijo ilaghiro jeni.

WAFILIPI 4:9

Iro maza rose mkufundishire, mkariwusa, mkirisikira na kuriwona kwapo, ribonyenyi; na Mlungu wa sere uchakaia andwamweri nenyo.

ISAYA 43:5

Kusakeobua, angu ini neko andwamweri na oho, nichareda kivalwa chako kufuma mashariki, na kuwikwanya kufuma magharibi.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ZABURI 32:8

BWANA waghamba, “Nichakuwonyera na kukufundisha seji ikufwanagha kughenda, nichakuneka njama na kukuzighana.

KUZOYA 39:21

Ela BWANA orekoghe andwamweri na Josefu, ukamrasimia na kum'bonya urumirikie mesonyi kwa m'baa wa kifungonyi.

KUZOYA 39:2

BWANA ukakaia andwamweri na Josefu, ukawona nicha kwa ghose oreghibonyereghe; nao ukakaia nyumbenyi kwa uja bwana wake Mmisri.

KUZOYA 26:14

Orekoghe na ng'ondi, na mfugho na wadumiki wengi, hata Wafilisti wikammbonia iriso.

KUZOYA 26:12

Isaaka ukawa vindo andenyi ya isanga jija, na ugho mwaka ghoni ukakuwida mando ighana kuchumba seji orewaeghe. BWANA ukamrasimia,

WAEBRANIA 6:17

Kwa wundu ugho, iji Mlungu orekundeghe kuwiwonyera kilolia agho makusudi ghake ghiseghalukagha, awo werekoghe wijipate ifwa ijo ilaghiro, orejibonyereghe ijo ilaghiro kwa ighemi;

MIKA 7:20

Kuchawonyera wuloli na lukundo lwako lukatie kwa wandu wako, icho kivalwa cha Abrahamu na Jakobo sa iji korelaghirieghe kwa weke aba kufuma kala.

ZABURI 39:12

“Sikira ilombi japo ee BWANA, degha kudu kwa kililo chapo; kusakenyama kima kwa kililo chapo. Angu ini ne mghenyi wako uidagha, ne mundu omara-mara sa weke aba wose.

KUZOYA 25:11

Nyuma ya kifwa cha Abrahamu, Mlungu ukamrasimia mwana wake Isaaka orekoghe ukikaia Beer-lahai-roi.

KUZOYA 26:24

Nao BWANA ukamfutukia icho kio cheni ukamzera, “Ini ne Mlungu wa ndeyo Abrahamu, kusakeobua angu ini neko andwamweri na oho, nani nichakurasimia na kuchichuria kivalwa chako kwa wundu ghwa mdumiki wapo Abrahamu.”

KUZOYA 28:13

Na BWANA ukakaia kimusi naighu yaro ukaghamba, “Ini ne BWANA, Mlungu wa ndeyo Abrahamu, na Mlungu wa Isaaka. Nichakuneka oho na kivalwa chako isanga iji kwawuyalala idana;

KUZOYA 31:3

Nao BWANA ukamzera Jakobo, “Wuya isangenyi ja weke ndeyo na wakenyu, na ini nichakaianya andwamweri na oho.”

KUZOYA 35:12

Isanga neremnekieghe Abrahamu na Isaaka, nichakuneka oho na kivalwa chako wori.”

KUZOYA 48:21

Nao Israeli ukamzera Josefu, “Ola ini neko kaavui na kufwa, ela Mlungu uchakaia andwamweri na inyo, sena uchammbunja kwa isanga ja weke ndeyo.

KUZOYA 50:24

Nao Josefu ukawizera waruna, “Ini neko kaavui na kufwa, ela Mlungu uchamchea na kumfunya isanga iji, umghenje jija isanga oremghenjereghe Abrahamu, Isaaka na Jakobo.”

KUFUMA 6:4

Wokoni nerebonyereghe ilaghano japo nawo, ja kuwineka isanga ja Kanaani, isanga werejikaieghe kiwughenyi.

KUFUMA 6:8

Nani nichamreda kwa ijo isanga nereghemieghe kumneka Abrahamu, Isaaka na Jakobo jikaie ifwa jenyu. Ini ne BWANA.’”

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 34:4

BWANA ukamzera Musa, “Iji nijo isanga neremlaghirieghe Abrahamu, na Isaaka, na Jakobo ngimzera kukaia nichachineka kivalwa chako. Naakusigha kujiwone na meso ghako, ela ndekuchaaruwuka aho.”

1 MALAGHO GHA NGELO 16:16

Ilaghano orejibonyereghe na Abrahamu, ijo ilaghiro oremghemieghe Isaaka;

KUZOYA 17:19

Ela Mlungu ukaghamba, “Hata, ni muka wako moni Sara uchaakuvaia mwana wa womi, na irina jake kuchammbanga Isaaka. Nani nichajimangisha ilaghano japo kwake, na kwa kivalwa chake jikaie ilaghano ja kala na kala.

KUFUMA 2:24

Na Mlungu ukakumbuka ilaghano jake orejibonyereghe na Abrahamu, Isaaka, na Jakobo.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

ZABURI 105:8

Wawuyatala ilaghano jake kwa kala, ijo orejilaghirieghe kwa vivalwa elfu.