KUFUMA 10:3 - Biblia Ilagho Jiboie Kwa Wandu Wose

³ Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

KUFUMA 10:3 Referans Kwoze

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.

JAKOBO 4:10

Mkusere mmbeni imbiri ya Bwana nao uchamjosa inyo.

1 WAZURI 21:29

“Kwawuyammbona Ahabu seji wakusera imbiri kwapo? Angu wakusera huwo imbiri kwapo, sichaareda ugho wuwiwi matuku ghake, ela nichairedia nyumba yake agho mawiwi matuku gha mwana wake.”

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

WAROMA 2:4

Angu kwaawuyaghumenya wungi ghwa wucha ghwake, na irumaghio jake ibaa; kusemanyagha angu wucha ghwa Mlungu ghwaawuyakuruda kupate kuhea?

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

ISAYA 2:11

Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

MAKATANISHO 18:12

Mundu wadazoya ukukase imbiri useghue, ela kukusera kwadareda kunekwa ishima.

MAKATANISHO 1:24

Nammbangie, mkalegha kusikira; namnekie wutesia, mkaghulegha.

MAKATANISHO 1:22

“Inyo wakelu, mkaia wakelu hata lii? Mseka hikima kwa lumenyo hata lii? Wakelu wizamilwa ni kumanya hata lii?

AYUBU 42:6

Nakumenya ini moni, na kuhea ngisea kidombo aterinyi na ivunyi.”

2 MALAGHO GHA NGELO 34:27

ghikakubonya kuhee na kukusera imbiri yapo kwendasikira kukaia nichakaba andu aha na wandu waro, kukakusera imbiri yapo, kukarashua nguwo rako na kulila, ini wori nakusikira.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

2 MALAGHO GHA NGELO 33:12

Nao iji orekoghe andenyi ya wasi, ukamvoya BWANA Mlungu wa weke ndee.

1 WAZURI 18:21

Elija ukasoghoda kaavui na wandu wose ukaghamba, “Wele mdua andenyi ya maghesho awi hata lii? Ikakaia BWANA ni Mlungu mtasenyi; ela ikakaia ni Baali uko Mlungu, basi mtasenyi.” Awo wandu wikanyama kima.

MITALO 14:27

“Iji izungu ja wandu wawiwi jidua jikinizughunukia hata lii? Nasikire seji wandu wa Israeli, winizughunukiagha.

KUFUMA 16:28

Niko BWANA ukamzera Musa, “Mchalegha kuwadia malaghiro na Sharia rapo hata lii?

KUFUMA 9:17

Kwaduagha kukikujosa aighu ya wandu wapo, hata ndekukunde kuwisigha wighende.

2 MALAGHO GHA NGELO 7:14

wandu wapo winitasagha wikakusera na kulomba, wikinilola na kuhea mawiwi ghawo, nichasikira aighu mlungunyi, na kuwifuya wughoma kaung'a yawo, na kujibonya isanga jawo jikaie nicha.

KUFUMA 4:23

nani nakuzera, “Sigha mwana wapo ughende, upate kunidumikia.” Kukalegha kumsigha ughende, ola nicham'bwagha mwana wako wa imbiri.’”

KUFUMA 10:4

Nako ngera kwalegha kuwisigha wandu wapo wighende, ola kesho nichareda zighe isangenyi kwako;

2 WAZURI 22:19

na kwa kukaia kwaherie na kukusera imbiri kwapo ngelo koresikireghe sa iji nighorie aighu ya muzi ughu na wandu wake, seji wichaachelwa ni wuduu na njowe, kukarashua nguwo rako na kulila imbiri kwapo, nanimoni nakusikira; ini BWANA naghamba.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

DANIELI 5:22

“Ela oho Belshazari mwana wake, hata ngera koremanyireghe agho ghose, ndekorekuserieghe ngolonyi kwako;

KUFUMA 5:1

Konyuma Musa na Haruni wikaghenda kwa Farao wikamzera, “BWANA, uo Mlungu wa Israeli waghora huwu, ‘Wisighe wandu wapo wighende, eri winibonyere ndima kireti.’”