JOSHUA 9:9 - Biblia Ilagho Jiboie Kwa Wandu Wose

⁹ Nao wikamzera, “Wadumiki wako dafuma kula na ndighi, kwa kukaia dasikire maza ra BWANA Mlungu onyu, na agho ghose ubonyere Misri,

JOSHUA 9:9 Referans Kwoze

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.

WUKUMBUSO 20:15

Huwo niko mchaaibonya mizi yose ya kula na isanga mchaajikaia.

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ZABURI 148:13

Ndewijikase irina ja BWANA! Irina jake ni ibaa kuchumba ghose; wubaa ghwake ghwachumba ndoenyi na mlungunyi.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

NEHEMIA 9:5

Walawi winughagha wikawanga wandu wichemtasa Mlungu: Jeshua, Kadmieli, Bani, Hashabneia, Sherebia, Hodia, na Shebania, na Pethaya, wikighamba, “Wukenyi mumkase BWANA Mlungu onyu; mkasenyi kwa kala na kala! Kula mundu ndejikase irina jake ja wubaa, hata ngera ndeidimikagha mdamu umkase kwa kukata.”

1 WAZURI 8:41

“Wokoni mghenyi useko wa mbari ya wandu wako Israeli, ukacha kwa irina jako kufuma isanga ja kula,

MITALO 14:15

Idana kukawibwagha awandu kwa indo jimweri, nechi mbari ra wandu wisikire sare yako wichaghamba

KUFUMA 15:14

Wandu wasikire, nawo wiasughusika; kuwawa kwawingia awo wikaiagha Filistia.

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

MABONYO GHA WADUMI 8:7

Angu wandu wengi werefumiloghe ni pepo ra makakala rikikema na lwaka lubaa; na awo werekoghe na wukongo ghwa kupooza na wakelemeri wikaboiswa.

MITALO 20:14

Nao Musa ukaduma wandu kwa mzuri wa Edomu kufuma Kadeshi ukamzera, “Mwanyinyu Israeli waghamba kukaia oho kwaichi wasi ghose ghudipatire:

JOSHUA 9:10

na agho orewibonyere waja wazuri wawi wa Waamori, mashariki ya Jordani. Mzuri Sihoni wa Heshboni na mzuri Ogu wa Bashani uo orekoghe ukikaia Ashtarothi.

JOSHUA 9:16

Nao nyuma ya matuku adadu, Waisraeli wikamanya angu awo wandu wedeeka ni wambao wa kaavui.

JOSHUA 9:17

Waisraeli wikazoya kuwighendia, hata nyuma ya matuku adadu, wikavikia mizi ya awo wandu; Gibeoni, Kefira, Beerothi na Kiriath-jearimu.

WUKUMBUSO 20:11

Wikakufunya na kurughua mbenge rawo, wichawuya wazumba wenyu, nenyo mchawidumikisha.

ZABURI 78:12

Mlungu orebonyereghe weke mwakilimbiti wurindinyi ghwa Sioni; andenyi ya isanga ja Misri weke ndee wikiwona.