JOSHUA 7:9 - Biblia Ilagho Jiboie Kwa Wandu Wose

⁹ Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”

JOSHUA 7:9 Referans Kwoze

KUFUMA 32:12

Kwaki Wamisri widime kughora wei kodewifunya wandu wako Misri kupate kuwibwagha na kuwimeria aho mighondinyi? Lekabonya machu, ghalua nia yako, kusakewiredia wandu wako agho mawiwi.

ZABURI 83:4

Waghamba, “Choonyi diimerie imbari putu, na irina ja Israeli jisewuekumbukwa sena.”

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

WUKUMBUSO 9:28

Wamisri wicheghamba wei BWANA oolemwa ni kuwighenja ijo isanga orewilaghirieghe, na angu wei weemzamia ukawighenja uendewibwagha kireti.

MITALO 14:13

Ela Musa ukamzera BWANA, “Wamisri wadima kusikira agho malagho. Awandu kodewifunya kwawo kwa ndighi,

JOSHUA 7:8

Nighora wada ee BWANA ikakaia Waisraeli wawikimbia wamaiza wawo!

JOSHUA 7:10

BWANA ukamzera Joshua, “Wuka! Kwaki kwaghwa kiwushu-wushu huwo?

1 SAMUELI 12:22

Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.

ZABURI 48:10

Kwawuyakaswa kula andu ee Mlungu, na sare yako yaera ndoenyi kose; oho kwadabonya nguma kwa hachi.

ZABURI 79:9

Ditesie ee Mlungu Mkiri odu, kwa wundu ghwa wubaa ghwa irina jako; dikire na kudifuya wughoma kaung'a redu, kwa wundu ghwa irina jako.

ZABURI 83:5

Hee, warumiriana kwa ngolo imweri; wabonya ilaghano jekubonya kiwiwi.

ZABURI 115:1

Disakenekwa wubaa ee BWANA, isi disakenekwa; ela oho kuneko wubaa, kwa wundu ghwa lukundo lwako lukatie, na wuloli ghwako.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.