JOSHUA 7:4 - Biblia Ilagho Jiboie Kwa Wandu Wose

⁴ Niko aho wandu wa Israeli sa elfu idadu wikajoka aho, ela wikawingwa ni wandu wa Ai.

JOSHUA 7:4 Referans Kwoze

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

ISAYA 59:2

ela mawiwi ghenyu nigho ghimtanyire na Mlungu onyu, na kaung'a renyu niro rimshekerie Mlungu usemzighane, hata usedime kumsikira.

ISAYA 30:17

Wandu wenyu elfu imweri, wichamkimbia mundu umweri wa wamaiza wenyu, na mkaturuswa ni wandu wasanu, mchakimbia mmbose putu. Mndungi onyu ndechaasigharika, ela mlingoti ghwa bendera ghoni aighu mghondinyi.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

JOSHUA 7:3

Wikawuya kwa Joshua wikamzera, “Ndedina haja eghenja wandu wengi aho, ela wandu sa elfu iwi angu idadu wijoke wikabe ugho muzi ghwa Ai; mseghenje ijeshi jose aho, ni wandu watinieri.”

ZABURI 89:43

Kwaghinonie maswagha ghake, kukam'bonya usimo wudenyi.