JOSHUA 7:2 - Biblia Ilagho Jiboie Kwa Wandu Wose

² Joshua ukaduma wandu kufuma Jeriko wighende Ai, muzi ghuko cha mashariki ya Betheli kaavui na Beth-aveni ukighamba, “Jokenyi mzighane jija isanga.” Wandu wikaghenda wikajizighana ijo isanga.

JOSHUA 7:2 Referans Kwoze

JOSHUA 18:12

Ii chia cha kaskazinyi, mpaka ghwawo ghukazoia Jordani na kujokeria luwarunyi kaskazinyi ya Jeriko, na kuida cha magharibi kuidiria isanga ja mighondinyi hata kireti cha Beth-aveni.

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

1 SAMUELI 14:23

Niko huwo ituku ijo BWANA ukawikira Israeli. Wuda ghukaenda imbiri hata kuida kimonu cha Beth-aveni.

1 SAMUELI 13:5

Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

MAKATANISHO 24:6

Wulongozi ghwa hikima ghukudimisha kupanga wuda ghwako, na wanjama wikakaia wengi, wusimi ghuchapatika.

MAKATANISHO 20:18

Mipango yadamangishwa ni njama ndicha; kusezoye wuda kusebonyere mipango.

KUZOYA 12:8

Kufuma aho ukaghenda hata mghondinyi ghuko mashariki ya Betheli, ukaidunga hema yake aho. Betheli erekoghe cha magharibi, na Ai erekoghe cha mashariki; ukamuaghia BWANA madhabahu aho, ukajiwangia irina ja BWANA.

WAEFESO 5:15

Idana manyenyi seji mghendagha, si sa wandu wisewadie suku anduangi, ela sa wandu wiwadie suku;

NEHEMIA 11:31

Wandu wa kichuku cha Benjamini werekaieghe Geba Mikmashi, na Ai, na Betheli na mizi mitini iko kaavui.

JOSHUA 12:9

Wandu wa Israeli weresimieghe wazuri wa mizi ihi: Jeriko, Ai (kaavui na Betheli),

JOSHUA 2:1

Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

KUZOYA 28:19

Ukakuwanga andu aja, Betheli, ela koimbiri muzi ugho ghorewangwaghwa Luzu.

JOSHUA 7:3

Wikawuya kwa Joshua wikamzera, “Ndedina haja eghenja wandu wengi aho, ela wandu sa elfu iwi angu idadu wijoke wikabe ugho muzi ghwa Ai; mseghenje ijeshi jose aho, ni wandu watinieri.”

1 SAMUELI 30:27

Vilambo ivo ukaviwaghia wandu wa Betheli, na wandu werekoghe Ramothi ya Negebu, na wandu wa Jatiri,

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

1 WAZURI 12:29

Ukawika ngache imu Betheli, na imu ukaiwika Dani.

ISAYA 10:28

Majeshi gha mredi wuda ghajoka kufuma Rimoni, na kungia Ayathi! Waidiria aghadi ya Migroni na kuwika vilambo vawo aja Mikmashi.