JOSHUA 7:11 - Biblia Ilagho Jiboie Kwa Wandu Wose

¹¹ Israeli wabonya kaung'a, waghichikanya malaghiro ghapo nerewilaghirieghe wighiwadie; wawusa vilambo vimu venonwa; wabonyere mikalo na kuviiwa, nawo waviranganya na vilambo vawo.

JOSHUA 7:11 Referans Kwoze

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

MABONYO GHA WADUMI 5:9

Nao Petro ukamzera, “Yakaia wada inyo kurumiriana mumtime Roho wa Bwana? Sikira, wandu wamrika mmigho weko mnyangonyi, nawo wichakuduka oho wori cha shighadi.”

MATHAYO 22:21

Wikaghamba, “Ni va Kaisari.” Nao ukawizera, “Kwa huwu mnekenyi Kaisari vindo va Kaisari na Mlungu vindo va Mlungu.”

ZEKARIA 5:4

BWANA Uwadie-Ndighi-Rose waghamba uchaiduma ihi njowe shighadi ingie nyumbenyi kwa kitoi, na nyumbenyi kwa mundu ughemagha kwa tee kwa irina jake; nayo ichakaia nyumbenyi kwawo na kuwinonia vilambo.”

HABAKUKI 2:6

Awandu wasimwa wichawiseka awo wandu na kuwimenya wikighamba, “Ni bugha konyu mmbusagha vilambo viseko venyu. M'bonya huwo hata lii mkiwilawia wasile wenyu?”

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

ISAYA 24:5

Ndoenyi kwanoneka kwa wundu ghwa wandu wake, kwa kukaia warinona sharia na kulegha memu yake; nawo wajichikanya ijo ilaghano ja kala na kala.

2 WAZURI 18:12

Maza iri rerebonyekieghe angu Waisraeli wereleghieghe kumsikira BWANA Mlungu wawo, wikabonya makosa ghesigha malaghano ghake, hata sharia rose rerenekeloghe Musa mdumiki wa BWANA; wikalegha putu kurisikira na kuribonya.

WATANYI 2:20

Kwa huwo, BWANA ukajokwa ni machu aighu ya Waisraeli ukaghamba, “Kwa kukaia wandu awa wajisigha ilaghano japo nerewilaghirieghe weke ndee, nawo walegha kulusikira lwaka lwapo,

JOSHUA 23:16

ikakaia mwajichikanya ilaghano jake ijo oremlaghirieghe, nao mfume kuidumikia milungu mizima na kuighoghomia, aho niko BWANA uchajokwa ni machu aighu yenyu, nenyo mchatota shwa wori na kusoweka andenyi ya ijo isanga jiboie oremnekieghe.”

JOSHUA 7:1

Ela wandu wa Israeli wikachikanya agho malaghiro kwa kuwusa ivo vilambo venonwa; angu Akani mwana wa Karmi wawae Zabdi, wa kichuku cha Zera, wa kichuku cha Juda, orewusireghe vilambo vimu venonwa; na BWANA ukajokwa ni machu aighu ya wandu wa Israeli.

WUKUMBUSO 17:2

“Mndungi ukawoneka aghadi konyu ubonyagha mawiwi imbiri ya BWANA Mlungu onyu kwa kunona ilaghano jake andenyi ya imu ya mizi yenyu iyo BWANA Mlungu umnekagha, ukaiagha wa womi angu wa waka,

WALAWI 5:15

“Mndungi ukabonya kaung'a usemanyire kwa kulemwa ni kulipa malipo kwa BWANA, uchareda kizongona kwa BWANA kwa wundu ghwa makosa, bauru kufuma chaghenyi iseko na itiko. Ighuri jaro jichaboiswa kunughana na malipo gha agho matuku gha Andu kwa Wueli; ni kizongona kwa wundu ghwa wuwiwi.

JOSHUA 7:10

BWANA ukamzera Joshua, “Wuka! Kwaki kwaghwa kiwushu-wushu huwo?

1 SAMUELI 14:38

Nao Sauli ukaghamba, “Choonyi aha inyo vilongozi vose va wandu dipate kumanya ngera ni kaung'aki yabonywa kodu idime.

2 WAZURI 5:24

Wiendavika mghondinyi andu Elisha orekoghe, ukawidua ija misigo, na kuingira cha nyumbenyi; ukawisigha waja wandu wiwuye, nawo wikawuya.