JOSHUA 6:4 - Biblia Ilagho Jiboie Kwa Wandu Wose

⁴ Na wakohani mfungade wichadwa tarumbeta mfungade ra mbembe ra bauru imbiri ya Sanduku, na ituku ja mfungade, mchaghumara ugho muzi mando mfungade, wakohani wikikaba tarumbeta.

JOSHUA 6:4 Referans Kwoze

WUFUNUO 16:1

Niko ngasikira lwaka lubaa kufuma hekalunyi lukiwizera waja weke malaika mfungade, “Ghendenyi mdie agho machu gha kubia kwa Mlungu ndoenyi, agho ghiko andenyi ya iro bakuli mfungade.”

2 MALAGHO GHA NGELO 20:17

Inyo ndemchaalwa ughu wuda; wadenyi wulalo ghonyu, nenyo mchawona seji BWANA umnekagha wusimi ee wandu wa Juda na Jerusalemu. Msekambo ni chongo; wifumienyi kesho, na BWANA uchakaia andwamweri nenyo.”

WUFUNUO 8:2

Niko ngawona awo weke malaika mfungade, wikaiagha kimusi imbiri ya Mlungu, nawo wikanekwa tarumbeta.

2 MALAGHO GHA NGELO 20:21

Wendameria kubonya njama na wandu, ukawika wandu wem'boria BWANA na kumkasa wirwae nguwo ra wueli; wikakiria naimbiri ya ijeshi wikighamba, “Mfunyirenyi BWANA chawucha, angu lukundo lwake lukatie lwadua matuku ghose.”

1 WAZURI 18:43

ukamzera mdumiki wake, “Ghenda kuzighane nokoisi cha baharinyi.” Ukaghenda ukazighana; ukaghamba, “Siwonie kindo chingi.” Elija ukamzera, “Ghenda sena. Kuwurie mando mfungade.”

WALAWI 14:16

nao uchangira chala chake cha mkonu ghwa kiwomi mavudenyi ghiko luinyi lwa mkonu ghwake ghwa kiwaka, na kumichira agho mavuda aeni aho imbiri ya BWANA mando mfungade.

WUFUNUO 15:7

Na imu ya iro nyamandu riko moyo inya, ikawineka awo weke malaika mfungade, bakuli mfungade ra dhahabu richue machu gha kubia kwa Mlungu, uo uduagha moyo kwa kala na kala;

WUFUNUO 15:1

Niko nerewonieghe alama zima mlungunyi iko mbaa eobosha; weke malaika mfungade wiko na makabo mfungade gha kutua, na kwa agho, machu gha kubia kwa Mlungu ghichakatia.

WUFUNUO 10:3

ukawanga kwa lwaka lubaa sa shimba irurumagha. Nao iji wawanga, iro chukuwa mfungade rikadeda,

WUFUNUO 8:6

Niko awo weke malaika mfungade wikakaia tayari kurikaba iro tarumbeta werekoghe naro.

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

2 WAZURI 5:10

Elisha ukamdumia mundu umzere, “Ghenda kukuoghoshe andenyi ya moda ghwa Jordani mando mfungade, na oho kuchaboa putu.”

MITALO 23:1

Balaamu ukamzera Balaki, “Niaghie madhabahu mfungade aha, nao kuniredie njau mfungade na bauru mfungade.”

ZEKARIA 4:6

Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

ZEKARIA 4:2

Ukanikotia, “Kwawuyawona kii?” Ngatumbulia, “Naawuyawona kinara cha taa cha dhahabu, na bakuli ya mavuda yawikirilwa aighu. Aighu yaro korekoghe na taa mfungade, riko na andu kongiria wutambi kula imu.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

AYUBU 42:8

Idana mmbwade njau mfungade na bauru mfungade, mghende kwa mdumiki wapo Ayubu mfunye kizongona chekora kwa wundu ghonyu. Mdumiki wapo Ayubu uchamlombia, nani nichasikira malombi ghake nisechem'bonyera kunughana na wukelu ghonyu; kwa kukaia ndemdedie malagho gha loli aighu yapo sa mdumiki wapo Ayubu.”

2 MALAGHO GHA NGELO 20:19

Walawi wa kivalwa cha Kohathi na cha Kora wikawuka kimusi kumkasa BWANA, Mlungu wa Israeli kwa lwaka lubaa na ndighi.

2 MALAGHO GHA NGELO 13:12

Olenyi isi Mlungu nuo kilongozi chedu, na wakohani wake weko na tarumbeta rediwanga wudenyi dipate kulwa nenyo. Ee wana wa Israeli, msakelwa na BWANA Mlungu wa weke ndeyo; angu ndemdimagha kusima.”

WALAWI 4:6

nao uchangira chala chake baghenyi, na kuishinga naimbiri ya pazia ya Andu kwa Wueli mando mfungade imbiri ya BWANA.

KUZOYA 2:3

Niko Mlungu ukajirasimia ituku ja mfungade, ukajielesha; angu kwa ijo, Mlungu orehorieghe kufuma kwa kazi rake rose reumba.

JOSHUA 6:3

Wandu wose wa wuda wichaghumara ugho muzi indu jimweri kula ituku kwa matuku arandadu.

JOSHUA 6:5

Hata iji wakaba iro tarumbeta na ndighi, mkasikira iro chwaka ra tarumbeta woruwu, niko wandu wose wichakema na chwaka mbaa, na wurigha ghwa muzi ghuchaghwa hata andoenyi; niko wandu wichajoka, na kula mundu uchaghenda imbiri kughungiria muzi.”

JOSHUA 6:13

Wakohani mfungade wedwa iro tarumbeta mfungade ra mbembe ra bauru, wikakiria imbiri ya Sanduku ya BWANA, na tarumbeta rikakaia rikikabwa ngelo yose.

2 WAZURI 5:14

Nao ukaghenda na kukungira Jordani mando mfungade, karakara na ilagho ja mundu wa Mlungu, na mumbi ghwake ghukawuya ghudendere sa ghwa mwana mtini; ukaeleshwa.